22 Oct 2012

今日攞左日假...尋晚講好左...今朝要早d 起身去食早餐....不過我依然係最早果個....個個都未起身..
睇下報紙先.......原來做郵差都好辛苦......因為成日要解讀呢d 咁有創意o既地址...

咁大陣仗.....要個個一早起身....係因為我地諗住上去新世紀間酒店....食buffet早餐...
估唔到又幾多野食喎...而且比起平時dinner..少左好多強國人...當係升職後平平地請阿媽食番餐...

雖然朝早食左咁豐富o既早餐.....不過下晝又繼續去食早餐.....出左去尖沙咀....
棉登徑果邊有間Bricklane.....食左我o既favorite egg benedict...加一杯rose tea latte...

經過K11時....覺得裡面有一陣香氣....望一望....原來有一幅用多士砌成o既蒙羅麗莎...
真係好有心思......不過....最後我發覺....原來果陣香氣...係來自側邊間cafe.......

下晝冇出街....留左o係屋企.....坐坐下又到夜晚.....
因為大家都唔想落街...所以阿媽將雪櫃o既物資攞晒出黎....咁又一餐...

阿媽又o係網上面搵到新o既 recipe....整左另一款黑椒 cottage cheese 出黎.....
我未試味........唔知好唔好味呢......不過肯定平過出去買一盒返黎....