31 Jan 2013

今朝訓醒....隻手已經好番晒咁滯....不過諗左好耐....今晚上唔上羽毛球班好呢？

一直都話想試下個肉醬意粉早餐....今日終於記得....不過....就唔記得我係唔可以食蛋...
唔食都食左....算啦....我記得師傅好似話敷緊藥時唔食得之嘛 ....

同事要返屋企食飯....所以今日得我自己....懶得出去同人迫....買南記返office食..
又再一次肯定....駱克道果間....好食過春園街呢間好多好多.....

每朝早攞免費報紙....都只會攞AM730同埋頭條日報....其他都冇乜興趣....
不過今日唔知做乜攞埋份晴報....但真係唔係咁啱睇.....證明我平時唔攞係啱...

掙扎左一個朝早....最後決定唔去打波....但幾日冇做運動....所以放工都要去跑下步....

原本跑完步諗住去食唯珍...點知...佢竟然維修爐具...要休息兩天....結果去左附近o既廣東燒味..
睇到D 脆卜卜乳豬同燒肉....真係流晒口水...雖然比起Canteen燒味飯貴一倍...但真係好好味...

30 Jan 2013

今朝遲左出門口....搞到趕頭趕命.....要食D 快野....叫左個大通...

之後返左temp office .....唔知發生乜事....突然覺得隻右手有D 痛....
望落仲有D 腫添....都係襯lunch time走番旺角....去睇跌打....包到隻手好似豬手咁..

睇完跌打....返到灣仔...先去買飯盒....要戒口...加上隻手又唔方便....都係買個湯飯...易食D...

原本諗住兩日冇去做運動...今晚要去做下....
結果都係冇得去....上food court 食個晚飯就返屋企...

29 Jan 2013

我諗我已經習慣左呢個模式....返公司Canteen食早餐....
o係老細前面現一現身....跟住就行番temp office.....繼續做自己嘅野....

下星期又有新同事返工....我要快D 執好自己嘅野...讓個位出黎......
雪櫃裡面嘅野已經清晒.....佢都係時候要休息一下...希望兩個月後...佢仲開得番啦..

執野時....搵到前同事留俾我嘅叮噹爸爸....同埋叮噹媽媽.....我真係要好好保存....

Ray哥無端端有幾日假放....下晝過黎搵我食lunch....

今日有D 攰.....唔想去做運動.....又去買例牌返屋企食.....
煮個麵.....加d 菜......咁又一餐.....簡簡單單.....

之前成日都唔記得攞番屋企.....今日終止記得......
曾sir 買俾我嘅手信....黑糖梅干.....感覺好似食話梅咁....

28 Jan 2013

聞名已久o既大通....今日終於試左....三個餸連野飲都只係十五蚊多D...都幾抵食..

行番temp office時....見到維他奶出左情人節限定版本....即係買番兩盒....

又要到期去睇中醫....不過今晚唔得閑....所以lunch time爭取時間過去睇...

好在唔係好多人睇....睇完仲有好多時間剩....難得過到果邊...順道食個新記芝士撈麵..

個芝士麵睇落好飽....不過個麵實際好細個....好在我早有準備....
泰昌o既迷你皮蛋酥+朱古力維他奶....盒維他奶o既味道...有少少似維他朱古奶咁..

姑姐姑丈聽晚就會走...今日再約出黎食餐飯....夜晚去左食鐵板燒....

仲提早收到兩封利是添.....

27 Jan 2013

雖然唔使早起身...不過又係五點幾醒左.....結果醒下又訓下...去到十點...
打開電視...見到竟然做緊聖鬥士...但係好似怪怪地咁..應用唔係以前細個時o既版本..

見到星矢個樣都唔同左...都冇興趣睇落去....都係同阿媽落街食早餐好過...

好多日冇同阿媽去行下街....今日去行個圈....shopping 下....

今日下晝又book 左場打波....除左Tim哥同埋Ray哥之外...今日仲多左曾sir同埋Wallace..
難得佢兩個唔介意同我地呢D 初哥打波.....如果冇悶親...下次再一齊打過...

食完早餐之後....都冇再食野....打完波之後....鬼死咁肚餓.....

原本以為阿媽會出街食晚飯....點知....返到屋企....見到佢地玩緊親子烹飪班....

見到佢地好似冇乜餸....我都係自己有自己食算....

之前Eddie話有可能會攞到關淑怡演唱會前D o既飛....點知真係攞到...係D 行呀...

26 Jan 2013

..考慮左咁耐....終於都upgrade左做windows8....感覺煥然一新...

今日約左Tim哥同埋Eddie 去行山.....一早就出發....

我地首先去西貢市中心食左早餐先......

跟住再坐一架村巴過去西灣.....不過架村巴要等滿客先開車....
加上路程都唔近...結果等左好耐....先正式開始行山...

頭一段有好多路都係沿住海邊行....風景好靚....可惜今日天氣唔算好...D 風景睇得唔係好清楚..

行左兩三個鐘之後.....到左鹹田.......終於可以休息一下....

坐低食番個lunch.....不過大家都唔係好肚餓.....所以只係叫左少少野share....

再行多個幾鐘.....就到達終點.....北潭凹......之後坐巴士返出西貢市中心...
Eddie 話想去食甜品.....於是又坐低休息下....

返到出旺角....都已經六點幾.....今晚約左姑姐佢地o係旺角食晚飯....
去左鳳城酒家.....今晚由我埋單....姑姐佢地下星期就返加拿大...都要請佢地食番餐..

25 Jan 2013

轉左一日....但係今日一上到canteen....就自自然然叫左佢....

今日繼續留左o係office做野....冇出去temp office.....
下晝同B 同埋 K 出左去食新釗記....突然好想食...唔理得佢有幾肥喇....

之後仲有 B 買俾大家食o既甜品添.....好在個size 細細個....唔會太飽...

又係時候要去剪頭髮喇.....不過今次冇之前幾次剪得咁短....

上左新世紀food court 食晚飯....無端端想食d 辣野.....於是揀左呢個韓式年糕拉麵....

24 Jan 2013

呢幾日.....都五點幾就醒左....真係慘...

今日冇食沙嗲牛...都冇食即食麵.....不過都冇人見證....

睇緊份報紙....大家圍埋一齊....做左魔鬼.....係咁說我買呢部notebook....其實我都好想買...

原來玩得facebook 多....會令人唔開心.....我就覺得未必會
除左其中一樣....見到人地d 旅行相.....真係好鬼妒忌.....好鬼唔開心.....

老虎今日過黎搵我食lunch.....佢話想食牛腩麵......所以我同佢去左華南...

今晚又去上堂.......

今次有個師兄....留左o係度陪我地打左一陣.....學左好多野.....
好肚餓...返到屋企附近...求其買d 野食...就快d 返去食..