31 Jul 2012

每一次做呢個動作時...都會有一個疑問....
點解800g裝o既麥皮罐...總係裝唔晒800g 包裝o既麥皮呢?....

唔知點解....呢兩日都咁忙....轉眼間又夠鐘食lunch....今日o既lunch 係粟米雞胸意粉...

食飽冇野做....出去join埋B 一齊行下街....去左好耐冇去o既Great ....
我地兩個都俾呢d 雪糕吸引住.....最後我揀左呢杯霖酒提子 + 榛子....

B 仲買左我最喜愛o既酒心朱古力....請左幾粒我食....

我都買番佢o既最愛.....用黎做 tea....

放工時...真係好大雨....不過都阻唔到我做運動o既決心..每次o係官涌做完運動...都會經過呢間麵舖..
今次做完運動...專登行過去....d 味道真係好香...食落唔算特別好食...但份量就真係好大堆頭好抵..

30 Jul 2012

經過上星期o既大魚大肉...今個星期要食番清d....為旅行做準備...

今朝online check-in 左....星期五晚就飛喇.....心情越來越興奮...

lunch 係超值飯盒.....因為尋日見到個冬瓜肉粒湯包減價....只售12蚊....
唔想帶湯返公司咁麻煩....所以只係用少少水煮熟左就算...

原本諗住放工去做運動....不過下晝o係公司經歷左一輪麻煩野之後....
我都係決定早d 返屋企....返到旺角.....襯早去食個 tea .....又可以慳番一筆....

今晚我阿妹攞住呢樣野返黎......一心諗住靠佢就可以減肥....如果係work...我就一早用左啦..傻傻地..

29 Jul 2012

阿媽越黎越晏起身....我唯有自己一個人落街食早餐....跟住再去買餸..

煮完飯盒....又係時候去做下運動......

o係Yahoo Blog都識左唔少朋友....不過約出黎見面就唔多....
今日就約左其中一個朋友食lunch....去左朗豪坊隔離個朗晴坊...原來果度好多樓上cafe架..

識左 Kis 幾年.....今日都係第一次見面.....感覺都幾得意...
好似有d 陌生o既感覺.....但大家又好似好熟....不過都傾得好開心...

食飽行左個圈....就返左屋企lu.....留o係屋企hea下.....繼續等食晚飯...今晚阿媽又係偷懶...

尋日去沙田買野....HSBC 搞promo...有個抽獎...我抽中左兩個波波...
尋晚未得閑開黎睇.......今晚攞黎睇下......都唔知佢係乜...要黎有乜用喎...

28 Jul 2012

尋晚臨訓前...聽到d 朋友話要半夜三點起身睇奧運開幕典禮...
我就當然乜都唔理...訓覺最緊要..不過七點訓醒時...竟然都仲未完..連聖火都未點..

一早起身...總有原因...上次入沙田...太多人..搞到乜都買唔到...所以今次諗住一早入去..
之前上去大快活食個早餐先...都好耐冇去...而家一個早餐...就唔算唔加通粉...都竟然要24蚊..

入到沙田..連d 舖頭都未開晒...有d 去旅行等舖頭開o既feel...今次o既策略好成功..真係少好多人..
最近成日有d 聲音話..升左職就唔可以再著而家d 衫架喇....結果..職都未有得升..就已經花費一大筆.

既然都用開錢...都唔爭在少少....我今日又買左對鞋....不過唔係我想架..
因為教練話我著住跑鞋黎打羽毛球..其實好易整傷...都係平平地買番對羽毛球鞋啦..

自己一個人攞住大包細包迫火車...好辛苦先返到屋企....
見仲有d 時間....都係去做下運動....補番尋日冇做果d ...

一早已經book 左時間去剪頭髮....點知...做完運動仲有大把時間....
條街咁鬼熱...都係上左去先算.....不過...就有排等喇...

今日plan 左要做o既野...終於做晒...
嘩....原來已經四點幾...我好似仲未食野喎...買番個 8蚊雞o既雙牛芝堡先...

朋友即興約出黎食晚飯....所以出左去佐敦...食大排檔.....
可能而家d 人真係頂唔順冇冷氣o既地方...所以連呢個咁舊o既大排檔都加裝左冷氣..

27 Jul 2012

橫掂都食左咁多餐豐富早餐...都唔爭在今日啦.....

下晝自己一個人出左去金鐘shopping....見公司o既儲備食得七七八八...入番d 貨..

臨返公司前去搵下有乜野食...不過金鐘o既選擇真係好少.....最後醒起好耐冇食名都...
去買左個套餐...山竹牛肉 + 叉燒飯....結果...今個星期...成個星期都冇帶飯..真係懶..

邊食飯盒...邊睇報紙....突然見到一個廣告...原來積及餅乾搞抽獎...
日期係由今日開始...咁啱我啱啱又心血來潮買左一盒喎...唔知...個獎會唔會整定係我o既呢...

呢兩日真係好攰.....我諗有時動腦筋出o既力...可能比起體力勞動更大...所以今日要休息一天...
唔做運動....不過...又冇返旺角喎...反而山長水遠去左荃灣食齋...食飽就返屋企lu..

26 Jul 2012

尋日食lunch時開左罐肝醬....今朝要清埋佢....不過我當然好樂意..食多罐都仲得....

下晝同B 出左去食...佢話唔想食飯..想食麵...諗起新釗記有d 麵餐....
結果我地兩個都食左個好好味o既撈麵....下次要試埋佢個炸醬先得...

返公司o既途中....順便去買埋便利雨衣.....攞去旅行用o既.....
好多時去旅行都慣左帶埋把遮...不過仲有其他野攞...都好重...攞雨衣就可以減磅..

公司今日唔知做乜鬼...d 麻煩野通通一齊黎...結果搞到我晏左走..匆忙咁走去上堂...
已經第三堂喇...今日冇乜打波..因為我用左好多時間問阿sir野...明白多左..不過要實踐就仲有難度..

因為上堂前冇時間食野...只係食左一塊麵包...所以一邊打波...一邊個肚咕咕聲...
落堂之後.......返左旺角.....去大家食醫肚....

25 Jul 2012

一心諗住去KFC 買早餐....點知...去到見到條人龍....都係回頭...
但又冇其他選擇...結果買左超級三文治....36蚊o既早餐..成餐飯o既價錢..

朝早食左咁 heavy o既早餐....下晝都係食少d ....冇出去食飯....
見到有幾塊過左一日期o既麵包..好似冇乜野呀...應該仲食得...起碼我而家呢一刻都冇肚痛

收到email .....我o既行李牌已經運送途中.....好快會收到喇...
另外...我今晚係有食野架...不過Yahoo Blog又傻左...upload左三張之後就唔得...

24 Jul 2012

臨訓前都諗住...訓醒時個風都應該走左...點知...竟然仲係八號...
但明知佢唔會掛得耐....只有o係度等等等o既心情...好似等緊判刑咁..

等極都冇消息.....個肚又咕咕聲....屋企冇野食....又唔知樓下d 餐廳有冇開....
唯有博一博啦....好彩間間都開...仲要冇乜人添...可以舒舒服服咁食...

食飽返屋企再坐下....終於等到天文台公佈....十點前後會改掛三號....
又要收拾心情返工....返到公司都已經差唔多夠鐘食飯...所以B 幫我地買定外賣..

因為一早買定飯o既關係....食飽飯都仲有大把時間....見天氣又唔係好差....又出左去shopping..

放工做完運動就去尖沙咀食日式咖哩....今晚係同阿安補祝生日...聽到新聞話上一次十號風球係1999..
突然覺得好特別...因為我地呢班人就係呢年認識...今日o係十號風球之後...我地又再聚頭..

23 Jul 2012

Fruit and Fibre 食晒....到 Honey Nut 接棒.....

可能早餐食得唔夠....好似有d 肚餓.....食住d 小食先......
早排買o既芝士條......個包裝睇落好似俾狗仔食o既零食咁....不過味道都唔錯..

尋日冇時間煮飯....唯有出去買....襯個天未落大雨....走快幾步出去買碗車仔麵...
我諗..我同B 都好耐冇食車仔麵....所以叫餸時叫得太興奮...創左新紀錄....47蚊一碗..

一直諗住個風會打唔成.....點知會越來越近...仲話黃昏會掛8 號添....
個個朋友都話有得早走....不過我地老闆話....除非住偏遠地區...如果唔係冇得走住...

放工時.....地鐵已經擠滿晒人....幾經辛苦先返到屋企....原本諗住屋企樓下買d 野食...
不過都已經關門.....最後....都係返屋企食即食麵 + 罐頭.....

雖然已經安全留o係屋企...不過出面o既雨越落越大....而且個窗仲有水滴入黎添...救命呀..