唔知搞乜鬼....今日晨早就肚餓.....好不容易先等到lunch time .....今日食茄汁牛肉螺絲粉.....
睇報紙見到...可樂會出袋裝...靈感係來自南美o既國家...當地d 人因為俾唔起錢買樽裝可樂..
會將d 可樂倒入膠袋裡面攞走...所以可樂廠索性自己出袋裝...聽落真係好得意..唔知香港出唔出呢..
連續做左幾日運動...今日真係要休息番一日...所以放工直接去食晚飯...
而家d 快餐店都要玩下gimmick....連大快活都出慢煮牛扒...不過質素又比我想像中好喎..
為左提高個security....銀行都開始要用保安編碼器黎login....中銀一向都比人慢一步...
不過終於都到佢地...係就係好似安全d ...但係我覺得都好麻煩囉....仲要咁大舊添...
晨早食咁大包麵包+蘋果, 仲咁快肚餓, 魚仔, 你下次帶埋d花塔餅啦, 我覺得你絕對需要囉
回覆刪除今次既羅絲粉好正咁喎 , 魚師奶既廚藝越來越耍家啦..
膠袋裝最大得益都係d生產商, 減低好多成本, 但更加唔環保 !篇文唯一正面提示就係背景果大肥肚腩
快餐店出slow cook?良心發現咩
匯豐都話櫃員機會出晶片啦, 咪又係到依家都未收到.
[版主回覆07/09/2012 21:45:33]我都冇話食晒成袋麵包
我只係識煮d 簡單野啫, 比起你果d, 小兒科啦
其實佢都係打正旗號, 想減成本啫
係唔係真係slow cook, 都唔重要, 都係個名黎啫
匯豐其實都已經俾其他銀行, 行前左好多步
健康o既飲食習慣系早餐食最多﹐午餐食中等﹐晚餐食少少。食兩片面包一個蘋果o甘少架﹗食多D啦﹗
回覆刪除我一年都飲o吾夠五罐汽水﹐o甘就o吾會戴袋袋喇﹗
我都感覺多樣野會安全D﹗
[版主回覆07/09/2012 22:18:14]我早餐都已經食唔少喇喎
我平時都好少飲汽水, 不過如果佢出, 我都會買一包黎睇下o既
好過冇咁囉
佢以前點保安架?
回覆刪除[版主回覆07/10/2012 08:34:58]就咁用密碼囉
有d 重要o既transaction就用sms 發一個一次性密碼
保安編號器
回覆刪除[版主回覆07/10/2012 15:44:54]銀行一年賺咁多錢, 果少少成本, 算係乜
[BK回覆07/10/2012 10:03:45]即每個有用網上服務既客戶都會收到一個security device? 咪幾重本
[版主回覆07/10/2012 08:36:42]每次要做d 重要o既transaction時, 要按一按個編碼器, 佢會比個number你, 跟住o係個website 度入番囉
我喱D老人家仲用緊紅簿仔，唔識用喱隻hi-tech野呢
回覆刪除[搞一爺回覆07/11/2012 05:11:14]嘩﹗有錢老 呀﹗
[版主回覆07/10/2012 19:04:04]我知
你成個床下底都係金條嘛