我就當然乜都唔理...訓覺最緊要..不過七點訓醒時...竟然都仲未完..連聖火都未點..
一早起身...總有原因...上次入沙田...太多人..搞到乜都買唔到...所以今次諗住一早入去..
之前上去大快活食個早餐先...都好耐冇去...而家一個早餐...就唔算唔加通粉...都竟然要24蚊..
入到沙田..連d 舖頭都未開晒...有d 去旅行等舖頭開o既feel...今次o既策略好成功..真係少好多人..
最近成日有d 聲音話..升左職就唔可以再著而家d 衫架喇....結果..職都未有得升..就已經花費一大筆.
既然都用開錢...都唔爭在少少....我今日又買左對鞋....不過唔係我想架..
因為教練話我著住跑鞋黎打羽毛球..其實好易整傷...都係平平地買番對羽毛球鞋啦..
自己一個人攞住大包細包迫火車...好辛苦先返到屋企....
見仲有d 時間....都係去做下運動....補番尋日冇做果d ...
一早已經book 左時間去剪頭髮....點知...做完運動仲有大把時間....
條街咁鬼熱...都係上左去先算.....不過...就有排等喇...
今日plan 左要做o既野...終於做晒...
嘩....原來已經四點幾...我好似仲未食野喎...買番個 8蚊雞o既雙牛芝堡先...
朋友即興約出黎食晚飯....所以出左去佐敦...食大排檔.....
可能而家d 人真係頂唔順冇冷氣o既地方...所以連呢個咁舊o既大排檔都加裝左冷氣..
乜果開幕禮做咁耐架..我都冇睇到.
回覆刪除D野淨係沙田先有得買咩..呢D衫咁casual同牛記差唔多咋喎...著返smart casual 嘛..升左高層使唔使打tie架
戰鞋都買埋,盡地一鋪啦,今次
嘟咀先卡娃伊呀..
[毛豆回覆07/29/2012 11:19:25]魚仔..原來咁..我唔知我老闆有冇去換哩數..不過佢好似有換油站果d
[毛豆回覆07/29/2012 11:17:40]亞裔恐怖份子, 你派既人思覺失調, d毒落左可槳罐度呀..尤其係奧運罐果d..就黎爆炸啦
[版主回覆07/29/2012 07:52:49]我通常係用d 積分黎換飛行里數, 原本hsbc d 分換里數要俾手續費, 唔係咁抵
但佢近一年不停做promo, 成日都有十幾倍積分, 咁計落就算要俾手續費都抵
[噢!地利 Oh!tria回覆07/29/2012 03:36:29]哎吔! 乜毛豆咁醒去同一集團o既taste. 但係我魔高一丈,我間間都派咗人. 毛豆飲咗E+有冇踎低起身見頭暈吖? 你中咗毒都唔知.
[毛豆回覆07/29/2012 00:10:37]呀..忘記左報告 : 我今日試左罐椰青汁啦..不過我真係唔覺太似囉..佢比真椰青汁淡好多呀..所以都麻麻地..唔會再買了...我係taste買架..PK有可能俾個番邦亞裔香港腳恐怖份子搞破壞, 我梗係唔會俾佢害到啦
仲有想野我想問你下了: HSBC果D積分,係有咩用呢 ? 我從來都唔知係咩黎架..次次買野問我有冇呢張卡, 話可以有幾多積分..我都一頭霧水囉..我諗都積左唔少啦..
[版主回覆07/28/2012 23:31:36]我都冇諗住睇, 只係一開電視就見到點火, 咪望兩眼
因為hsbc做promo, 去沙田買野有15x 積分, 我呢d 師奶仔緊係賺到盡啦
我而家係著tee + 短褲, 遲d 係咁易著番件恤衫架咋, 打tie....唔使旨意
咁阿sir 開得聲, 都有佢道理
完全冇關係........
15x 積分 吸唔吸化到去沙田d車錢架?
回覆刪除[版主回覆07/29/2012 07:53:25]我來回沙田都係10蚊啫
最近成日有d 聲音話 => 未升職已經壓力大到 思覺失調!
回覆刪除買完對羽毛球鞋﹐下次買對飛髮鞋﹐o吾系會好易整親。買買買
食野時消化緊會燃燒發熱架﹐無冷氣點得呀。
[版主回覆07/29/2012 10:20:05]我之前都買左咁多鞋, 我要買鞋又何須借口
[搞一爺回覆07/29/2012 09:54:08]剪髮鞋系個借口畀你買鞋o羅。
[版主回覆07/29/2012 07:54:55]思覺失調一向都有架啦
乜野叫飛髮鞋
而家d 人, 都唔可以冇左部冷氣架啦
開幕禮我都想睇，不過碰唔啱無睇到
回覆刪除入左咁多貨真係大出血
[版主回覆07/29/2012 10:56:17]我就冇乜興趣, 近幾次都冇睇
冇法啦, 返工要著嘛, 都要買架啦
大熱天時食飯地方如果無冷氣又辛苦D，大汗疊細汗，除非係好空曠啦
回覆刪除升左職咁第時會唔會收工要收遲D架呢
[版主回覆07/30/2012 12:38:13]我諗d 野食就算再好食, 我都冇心機食
唔知架, 我盡量唔會俾呢件事發生