話咁快又到左長周o既星期六..... 今日o既早餐有少少特別
o係公司都做左兩年幾.....竟然係第一次去 canteen 買早餐食
下晝放工 ....B 竟然話去麥記食 lunch ...真係有少少驚訝..不過原來係為左換杯
難得佢去食麥記.... 咁我都放肆一下.....但個薯條就轉左做粟米

之後諗住同費迪去行下.....心血來潮打俾 C 約佢今晚食飯
點知佢講起 lunch time 時想抽空去藝術中心睇展覽.... 仲問我地唔去唔去添
藝術作品對於我黎講...好多時都過於抽象.....不過有時都有一 d 幾有趣
你睇下呢位仁兄..... 睇得幾入神..... 我仲以為佢係其他一件展品添

睇左一陣 ..... C 就夠鐘返工.... 我地繼續去行下街
不過距離今晚食飯o既時間都仲有好幾個鐘 .... 都係搵個地方坐下先
等到 C 放工之後 .... 我地去左佐敦食飯.... 因為大家唔想食咁多肉....所以食齋
第一次去六榕仙館 ..... d 齋都算幾好味.... 最緊要係唔太貴