31 Dec 2012

又要返工....不過返埋今日....又可以放一日假....希望快d 挨過.....
因為假期o既關係...canteen d 麵入唔切貨...迫住要加錢轉出前一丁...唔抵..

又好想食肉餅.....所以天氣雖然凍....不過lunch time都出去走走....

除左我....原來同事都好想快d 到聽日...可以放假.....所以連d log sheet都寫左 1 月1日...

原本諗住今個除夕夜....會留o係屋企靜靜咁渡過.....不過阿海見我冇野做....
所以叫埋我上去個朋友度一齊打邊爐...雖然係第一次見...但係好多謝屋主盛情o既招待...

跟住出番旺角.....約左Eddie 佢地....諗住飲杯野.....不過佢地話好肚餓....所以我地去左KFC...
o係大家食緊炸雞....周圍都冇乜動靜o既時候...原來已經踏入左2013...Happy New Year...

30 Dec 2012

凍到唔願起身....更加唔想落街食早餐.....幾經掙扎....
起身煮個麵食.....跟住又返上床再訓過........

Eddie 話佢今日放假.....好想去打羽毛球....叫我不如book場打.....咁遲先book...都未必有....
不過又幾好彩...搵到上環仲有場....去到Ray哥o既地頭....緊係叫埋佢出黎一齊打啦...

雖然只係得一個鐘....但部份時間...都係要一對二....又攰又肚餓....要快d 去補充番...

加錢仲可以有埋蛋糕.....

Ray哥趕住要去開工....得番我同Eddie周圍行下街.....
由上環去左灣仔....再過埋尖沙咀.....我仲收到Eddie送俾我o既關淑怡新碟...

原來Eddie約左阿海出黎.....於是三個人又搵個地方坐低飲杯野....
睇下錶...都已經六點....我索性食埋野...當係晚餐......

29 Dec 2012

突然好想食豬潤麵.....所以自己一個落街食早餐....不過呢個豬潤麵比起深水埗果間..差得遠..

下晝去左九龍灣.....o係IKEA食lunch.....雖然得兩個人...
不過都叫到成枱都係.....當然唔少得我每次都食o既肉丸.....

近排o係facebook 見到好多朋友都post 左張相出黎....叫做乜鬼"自分新聞".....

我都多手click黎玩下....原來係個總結2012自己個facebook profile o既 apps...
雖然好無聊.....不過我幾鍾意佢用報紙o既型式黎present ......

早兩日同Tony哥打完波.....打到半死.....今日又唔知死.....再約左佢出黎打波....
不過今次我唔多攰.....因為只係打左一個鐘...加上...今次我係Tony哥o既partner..舒服得多

o係市政大廈打完波....順理成章就o係樓下大排檔食埋晚飯啦....又有好多熱氣野

28 Dec 2012

五點鐘就醒左....橫掂都要早d 返公司做野...不如早d 起身....
落街食埋早餐先返公司.....不過食慣左canteen o既早餐...出面d 早餐真係好貴..

近排多左要開會....次次都唔係帶漏筆就係帶漏咭片......專登買左個notebook cover...整齊好多..

冇乜心情諗食乜......都係近近地去canteen買燒味飯...

睇到個廣告.....原來公仔麵出左個芝士撈麵.....將會係我下一個目標....

放工去做一陣運動......跟住約左朋友食飯.....去番之前去過o係體育館樓下o既大排檔...

多謝朋友o係日本買番黎o既手信....係我鍾意o既粟米湯呀......

27 Dec 2012

假期後...第一日返工....唔單止唔慣咁早起身....更加唔慣對門去左我側邊...

冇返幾日工....canteen依然係賣緊餃子麵....我決定轉食即食麵餐.....又幾好喎...

一返到去....發現枱面有份神秘小禮物.....一定係B o既回禮.....

驚喜一浪接一浪.....原來我個雪櫃仔裡面....都有呀.....真係多謝晒....

好想去食肉餅.......所以去左新釗記食lunch.....雖然唔係我心目中想食果種...不過都好過冇....

又係時候去睇中醫.....之後o係附近大利清湯腩食番碗河粉......

原來今日係關淑怡出新碟o既大日子....仲係限量1000隻添....好在Eddie今日放假...幫我買左隻...

26 Dec 2012

尋晚屋企打邊爐....雖然我冇返去食....不過今朝結果都一齊分享左佢地飲剩o既野...

一早食飽左.....今日唔會俾人拉落街食早餐.....可以安心咁睇埋個後編....

原來個後編係咁長.....睇完都時間唔早......要出去買定今晚用o既羽毛球.....
原本都唔使買住...不過今晚有Tony哥...下下都咁有勁....要預多幾個波俾佢先得..

順便買埋腸粉返屋企做午餐.....

因為今晚會打得夜.....所以預先去食定野.....諗住夜晚唔再食....同埋Ray哥去左食tea.....

只要有Tony哥o係度....我地都唔使旨意hea 住打.....Tony哥完全唔使休息....
我地其他四個人輪住休息.....都唔夠佢打....佢真係有用唔完o既體力....

原先諗住唔食....但係都唔得.....做左咁劇烈o既運動....真係有少少肚餓...
不過食完就要趕返屋企.....因為呢個聖誕假期完結喇....聽日要返工...

25 Dec 2012

一開電視....就見到做千秋師兄同野田妹....我打算o係個被窩睇晒成套先起身...

可惜個如意算盤打唔響.....睇左一陣.....就俾阿媽拉左落街食早餐.....

食完早餐....就即刻返屋企....攤o係床睇埋下半套戲.....
雖然好唔想起身....不過最後良心都係過意唔去....起身去做運動...

做完運動.....去補充一下....

雖然今日係聖誕節....不過我冇乜興趣去食聖誕大餐喎.....
只係食左個簡單o既晚餐.....其實簡簡單單都唔錯呀.....

24 Dec 2012

今日冇咁懶....早左起身.....不過都係去番食假鮑片麵.....

收到公司最新o既消息....office房門已經移左去......隔離..........

o係屋企發左幾日霉.....今日下晝約左曾Sir 出去食lunch.....
原本諗住去間舒服d o既餐廳....可以傾下計....不過周圍都冇位...唯有屈就一下曾Sir..

之後都搵左間cafe ....飲下野傾下......
雖然你都冇乜講過d 有意義o既野.....不過對我黎講...都有少少啟發....多謝...

天氣咁鬼凍....打邊爐就最啱....不過食左咁多野.....聽日都要去做下運動....