個人都未醒....冇乜心機做野......好在上晝有機會出去行下.....
因為office要裝修....所以我地黎緊要搬出去出面o既office坐一段時間...今日上去睇下環境..
再返到公司都差唔多lunch time....緊係坐下等食飯....唔做野住啦
...同埋同事一齊出左去買車仔麵...見到對面有特價果汁賣...買左杯5蚊o既奇異果雪梨汁..
下晝又要開會.....雖然同我地唔係好有直接關係....但都係要出席....悶死....
不過今日又有大老闆o係度......所以我都唔敢遊魂....
好在呢個會唔係好長.....開完之後.....大家好有興致.....想食tea...
我都湊下熱鬧......食番隻豉油雞髀.....耐冇食....覺得特別好食...
都差唔多係時候.....要去探下中醫.....
睇完中醫....返到旺角.....好自然又去左呢度....
肥魚...你唔肥同病有鬼.....
回覆刪除其實早餐有公仔麵都已經唔係咁健康....下就食車仔麵又味精多.....仲要食炸雞肶.....
[版主回覆12/17/2012 21:41:22]其實出街食, 食乜都唔健康架啦, 不過我鍾意食
唔係炸架, 係豉油
你畫返張大老闆既肖像嘛 , 幫你提神架.
回覆刪除橫掂都要睇醫生,食多幾隻雞脾先去睇嘛.
[版主回覆12/17/2012 22:42:46]我諗唔會提神, 直情嚇到出神添
我原先真係咁諗架, 所以想食炸髀, 不過最後都冇食
魚仔細細個時阿媽o米系成日背你去睇中醫? 身體發枯﹐受諸父母﹐ 真系難為了媽媽喇﹗
回覆刪除o厘間中醫如果有印花派﹐你就一定好快就儲夠數換番次免費復診。
[版主回覆12/18/2012 06:45:08]我阿媽好少睇中醫喎
如果人生裡面樣樣野都可以儲印花換
咁都唔錯喎
上次探中醫係幾時呢? 係咪好似婦女病咁一月一次架?
回覆刪除[版主回覆12/18/2012 06:46:32]上次好似冇一個月咁耐
所以我慘過有婦女病
咁都有得儲印花又幾爽喎
回覆刪除[版主回覆12/18/2012 12:23:28]講下啫
睇中醫連藥一次要幾銀
回覆刪除[版主回覆12/18/2012 15:57:56]120蚊, 兩日藥連診金
睇中醫調理身體, 都好有效架 我間中都會食龜靂膏清熱氣!
回覆刪除[版主回覆12/18/2012 19:16:32]冇法啦, 飲食唔健康, 係要耐唔耐調理一下