30 Apr 2012

又係全屋都未起身....又係自己一個人落街食早餐....
我諗我都要諗定...聽日自己一個人去邊度食野...去邊度行街好...

臨返屋企前....去買本新假期....雖然話左唔再睇果d 唔準o既運程卡....
不過都係好順手咁攞左出黎睇....但係今次張卡有用好多.....

諗緊做唔做運動好....好似有d 攰喎....不過尋日食左咁多野....唔做又有d 內疚感....
結果都係要去做下.....順道去埋十幾年冇去o既圖書館....以前都唔覺係咁細間...冇野啱睇...

做完運動....去埋圖書館....都差唔多四點.....今晚會夜食飯.....去食番個豐富d o既tea 先....

夜晚約左阿海同Eddie 出黎....開茶會....傾六月頭去台中o既野.....

29 Apr 2012

又一早起左身....因為又去睇早場....唔爭在20蚊...今次睇3D 版...
一貫英雄片o既風格....都幾好睇....不過總係覺得Ironman 先係主角咁...

既然去到Megabox....當然唔會放過食 IKEA Cafe o既機會啦....
不過完場時已經一點幾....成間餐廳人山人海...位又難搵...餐車又難搵...

足足用左成半個鐘....先買到野食....唔食多d ...都對唔住自己...哈哈...

返屋企休息左一陣...又係時候出動....今晚約左人o係佐敦打羽毛球...之前又係先去做下gym先....

之後又要去補充一下....過左去食唯珍...
四個人食野真係幾好....每樣只係食少少,,,可以叫多幾款....

照慣例....食完唯珍....就會過去對面食埋佳佳 ....

28 Apr 2012

一早醒左....以最簡單快捷o既方法....完成左個早餐...

跟住去左做運動....發生左d 意外...比原定做多左差唔多半個鐘....真係好累...但都想去行街...
之後o係吉之島Living Plaza搵番佢....強調係Living Plaza呀...費事俾人話我out

經過CD舖....見到呢隻碟....最近d 人成日都話續集好睇....即管買番第一集睇下...

返到屋企樓下...行左個大圈....都諗唔到食乜好....
後求其買左碗九菜豬紅...返到屋企再煮個福麵...

休息左一陣....阿媽話要去親戚屋企...因為人地幫佢買左d 野....所以陪左佢去樂富...
自從冇去睇中醫...都一排冇過去樂富lu....d 舖頭又轉左唔少喎....

今晚因為送貨o既關係.....過左去灣仔......唔係好肚餓....想食d 簡單野....
最後去左南記.....突然感覺好似返緊工咁.....

o係中環出名o既公利....最近o係灣仔開左分店....咁o岩o係南記附近....
順便過去食個蔗汁糕先....真係幾好彩....賣剩最後兩個.....

27 Apr 2012

食飽早餐之後....打算食藥...不過尋日d 西藥好鬼散...所以都係食中藥好d ..

我覺得我唔應該再睇呢d 紙巾o既運程卡...因為佢根本就係針對我.....

之前話公司要cut 假期...今日有個諮詢會....俾我地反映意見...不過所謂諮詢會其實只係表面功夫...
都係快d 返office 叮飯食好過.....今日o既lunch 係我尋晚搜括廚房o既剩餘物資煮o既...蜆肉炒飯..

冇乜心情去做運動....加上放工時突然有urgent 野要做...所以留左o係工作做野...做到六點幾先走...
咁啱費迪o係尖沙咀....於是一齊去左 K11食上海野....今次又叫左我喜愛o既馬蘭頭百葉卷...

真係衰開有條路....今朝企o係度同人講講下野...都竟然會突然拉傷個背脊....
好在有counterpain o係身....搽左之後先好少少.....夜晚返到屋企...試埋呢支cool 版本..

26 Apr 2012

俾 Auntie Mo 咒到我真係病...
今朝起身...手腳無力...有d 頭暈暈咁...都係要去睇醫生..攞一日假休息下...

睇完醫生....去食個早餐....然後就返屋企訓覺....一訓就下晝三點幾...

之前一口氣煮左三盒....最後一盒原本係今日下晝返工o既lunch.....
不過今日sick leave....結果就變左今晚o既晚餐...

25 Apr 2012

又係時候....食下d 無益野....調劑一下咁悶o既早餐...

食飽之後....開左包紙巾抹咀.....裡面竟然咁寫住....
心諗...都係食左一個即食麵咋喎....唔使咁咒我呀嘛....

今日o既lunch係螺絲粉....不過其實主要o既材料都係早兩日果d...所以睇落又係差唔多樣..

之前都傳左好耐...話因為我地公司個package太好...d 假仲多過公務員...所以要cut 假...
今日終於出現左個proposal....點都估唔到...竟然cut 左三份一o既假...成個下晝所有同事都好down..

到左放工....都係心情麻麻....去做下運動....發洩一下....
之後返屋企....食預先準備o既飯盒...當然....都係同下晝果個一樣啦...

24 Apr 2012

今晚約左人去Misocool 食飯....
咁啱打開本新假期...裡面有d coupon...其中一張就係misocool...

尋日買左盒新o既粟米片...今日急不及待...即刻開黎試下....仲加左條香蕉添

突然間"啪"一聲....原來個磁石粉擦爛左.....我真係好鍾意呢隻款...都唔知10蚊仲有冇得賣添......

今日下晝o既lunch 係尋日 lunch + dinner o既版本...即係牛扒 + 豬扒....

今晚去Misocool .... 係因為要幫老虎補祝生日....
放工返屋企...好趕咁準備左聽日o既飯盒...又要趕番出尖沙咀...

23 Apr 2012

睇報紙見到....大陸有個男人...攞住130蚊人民幣...環遊左半個地球...
真係好佩服佢呢種毅力....其實我都好想學佢咁...可惜冇咁大o既勇氣...

星期六返左成日工...搞到好似冇放過假咁....轉眼間又要返工....今朝繼續挨麵包..

下晝o既lunch .... 都係食薯仔.....不過仲有好好好味o既牛扒...
原價五十幾蚊兩塊...但見到佢減到三十蚊....即刻買....抵好多呢....

上個星期....次次食飽飯想出去行下....就落大雨....
今日終於可以去超市shopping .....補番d 貨.....

office又漏水....沒完沒了.....真係好煩....

放工後...去做運動....不過跟住冇出街食....因為尋日準備飯盒時...多左d 材料...
所以今晚o既晚餐....同下晝差唔多.....不過牛扒轉左做豬扒...但一樣咁好味

22 Apr 2012

好早就起身去食早餐.....

咁早起身...都係因為買左飛睇早場...今日睇左....Battleship .....
原本冇乜寄望....不過反而又幾好睇...完場時望一望錶..下....乜過左兩個鐘咁耐嗱...

雖然話係早場...不過都成11:40 先開場...加上套戲成兩個鐘....睇完都已經成兩點咁滯...
有d 肚餓....唔想周圍行....見到味千有個新o既泡菜豚肉麵....即管試試....

呢個時間食lunch....唔太多人....只係得幾枱客....望一望側邊果枱....
竟然見到驚嚇片o既場面...有架BB車..裡面有d 頭髮跌左出黎...嚇死人咩...

已經幾日冇做運動....今日下晝都要復工....之後去左買餸....
阿媽話如果我返去食晚飯就唔夠餸...叫我加d 野...點知....又係成枱都係...