31 Oct 2012

最後一日冇皇管......買份早餐返去office慢慢食...聽日開始就改朝換代lu...

下晝同B同埋K 一齊出去食lunch....去左銀座藏人食日本野.....
我都好多個月冇去過....裝修左...餐牌轉左....唯一價錢冇乜變...都係咁貴....

近年已經好少食麥記.....不過黑椒漢堡係少數我覺得好食o既包.....聽日返黎喇..

呢幾日食咁多.....又冇乜做運動......即刻重左 d .....都係要去消耗一下先得...

差唔多次次做完運動.....都係去大家食.....今晚又係佢.....

30 Oct 2012

因為要早d 返公司做野....所以七點半未夠就過到去金鐘.....諗住買埋早餐返去office..
點知大家樂o既外賣隊未開....KFC直情連閘都未開添...唯一選擇...貴d 都要食...

下晝要去聽seminar....所以諗住出去食左lunch先再去....約左Ricky哥一齊食...
平時睇相就睇得多....今日終於有機會食到....好好味o既lunch...多謝又帶我去食好野....

一個唔係好重要o既seminar.....不過唔去又好似唔得....最終都係悶左幾個鐘....

今日又偷懶....冇去做運動.....直接返左屋企.....有d 肚餓.....煮左個麵食....
近排唔知點解阿媽咁鍾意買呢隻芝士麵....成個櫃都係....不過都真係唔錯o既...

29 Oct 2012

download 左個升級小幫手....check下部機上唔上到windows 8.....
基本上都冇乜問題.....只係有少少software唔對應...但我都係心大心細...升級好唔好?

今朝冇乜時間...o係美心求其買左d 麵包做早餐....返到公司...
發現後面o既B 都係買美心麵包...睇睇下...仲要係同款添...有冇咁啱呀...

見到出面天陰陰....所以下晝都唔出去食....又係去canteen買飯盒...
又係買燒鴨髀叉燒飯.....隻燒鴨髀好似比上次仲靚喎.....

放工約左一班同事去German Bierfest........

雖然我平時好少飲酒.....但呢d 場合.....點都要飲番一兩杯o既....

但對我黎講....始終都係d 美食吸引好多....豬手....香腸....Pretzel......好好食....

28 Oct 2012

早d 起身.....食定早餐.....跟住晏d 要去拜山.........

點知姑姐唔記得左...今日約左我地去拜山....於是改左個plan....
去左食lunch先....之後再去拜山....食完冇耐.....又再食.....

過左重陽都只係幾日.....估唔到咁快就冇乜人去拜山....今日天氣又唔錯....唔使行到身水身汗...

突然收到電話....話有個朋友o既畫展今日係最後一日展覽.....
於是過左去香港公園睇......Danny你d 畫畫得好靚呀.......

轉眼間又五點幾.....返到屋企....阿媽話好攰....唔煮飯喇......齊齊去左味千食晚飯....

27 Oct 2012

約左人出去食早餐.....不過因為要食中藥o既關係....所以要食定少少野先...

不過因為晏左....所以早餐變成午餐....

食飽就出發.....開始今日o既活動....

今日唔曬又唔熱.....踩單車真係好舒服.....

首先踩左過去馬鞍山果邊......我都唔知原來果度有個幾靚o既石灘.....
聽講有一個阿伯....好有心機咁用石砌d 心型同埋字....向佢深愛o既人示愛....好浪漫..

跟住向大埔出發.....不過中途o係科學園休息一下.....食少少野補充下....

再踩多陣....就到左大美督.....唔經唔覺....已經日落lu....

再踩多一陣....我地就去還車....然後去食晚餐....BBQ......
每枱有一個長型o既炭爐...所有肉類同蔬菜都一串串準備好晒...啱晒我呢d 鍾意食串燒o既人..

26 Oct 2012

一個月一次o既例會......救命.....又有排悶.....
食飽早餐.....就入去受難......結果....一開就開左個幾鐘...

突然好想食車仔麵.....順便幫 K 買埋.....冇食咁耐....d 酸齋尤魚一樣咁好味....

Microsoft Windows 8 推出喇....仲要做promo.....真係估唔到可以咁平....
有碟o既版本只係賣549蚊....download版本只係319蚊....有d 心思思想買隻黎玩下...

尋日冇買到飛...今日再買番.....Ray哥下晝過黎攞飛.....無端端俾袋delifrance麵包我...
話多謝我幫佢買飛....俾d 麵包我做tea...真係估佢唔到...不過我一直忙到六點幾先走...tea變成dinner..

25 Oct 2012

啱啱先發現.....原來canteen 有我o既至愛.......炒腸粉....即刻要試下..

下晝原本諗住自己出去食飯....行行下見到會計部o既同事....佢地話諗住去食大王東街間新九記..
我未食過.....佢地話幾好食.....所以一齊去試下.....呢個牛腩雲吞撈真係幾好食...

今晚要去打波....放工前要食番少少野....尋日食剩o既 pretzel.....今日食埋佢...

今堂學到新野.....阿sir 教我地計分.....原來雙打計分係咁鬼麻煩.....計得分黎..都唔識打波...

Ray哥叫我幫佢買飛....跟住今晚約出黎食飯...順便攞埋飛.....
不過佢突然取消左...唔睇個show...但飯我地就照食....去左尖沙咀食雞記...我又食牛腩...

24 Oct 2012

放完幾日假....終於要面對現實.....返工.....

點解唔係我???? 竟然一注中左七千幾萬......好在仲有萬聖節金多寶.....

下晝又冇出去食....過canteen買飯盒....今日買左燒鴨髀飯.....
果個燒味哥哥真係好.....揀左隻唔肥唔瘦o既俾我....好好食...

B 出去食完飯......買左一堆野返黎......其中一樣係呢個成塊面咁大o既 pretzel........

今晚放工再去睇中醫.....

然後自己一個人過左去食餃子源......得我自己一個人.....只係食到一客餃子......
我仲想食山東手撕雞......蒜泥白肉.......擔擔麵.....仲有好多好多....不過食唔落.....

23 Oct 2012

阿媽繼cottage cheese之後....又有新製品.....homemade乳酪....
所以我今朝o既早餐係乳酪.......再加一杯杯麵......

冇野好做....諗住去睇戲.....點知去到電影中心門口.....見到好多阿公阿婆排晒長龍....
聽佢地講........原來電影中心朝早有長者優惠.....十蚊就可以睇戲...又真係幾抵喎...

今日係去睇閃亮人生.....入場之後....我先知原來係真人真事.....
一個幾感動o既故事.....來自兩個世界o既人....發展出一段真摯o既友誼...

一睇就睇左兩個鐘......知道里奧o係電影中心返工....所以過去打聲招呼.....多謝你俾我o既曲奇..

由油麻地行路返旺角.....個肚已經咕咕聲.....快d 去食野先得....

返屋企休息一陣.....儲番d 體力.....因為今晚要去打羽毛球....打足兩個鐘....好攰...

去到最後十五分鐘....大家都已經冇乜力....仲好肚餓添.....所以之後要好好補充一下...