點知因為裝修o既關係...全部快餐店都冇晒...唯有行去火車站間美心...可惜d 早餐認真麻麻..
跟住去做下運動......最愛星期日o既早上去健身室....
因為無論健身室定係更衣室都冇乜人...唔似平時咁堆滿晒人...好討厭...
又係我鍾意o既阿部寬....我一定要去捧下場.....呢套戲好似係改編自漫畫...漫畫我就未睇過...
套戲o既故事都幾得意..可惜翻譯字幕做得好差...自以為好好笑...其實搞到套戲不倫不類..
Ricky 哥過左去深水埗買野....約埋我一齊去食腸粉....呢間腸粉...真係百食不厭....
之前o係Facebook 聽到朋友講...話o係759阿信屋有龍角散喉糖賣...不過我睇左好多間都冇..
Ricky哥咁啱見到有.....幫我買左一盒....有成10條咁多....今次有排食....好開心....多謝晒...
今晚冇出街食...返左屋企食飯...平時阿媽見我影相...實話砌靚d 先影俾人睇...
不過今次佢話有乜好影...都冇餸.....我話....三個人食三大碟餸...都叫做冇餸??...
o係袋入面執番尋日張藥單出黎....正準備掉o既時候.....發現左個好特別o既名詞....
去睇咁多次中醫.....都係第一次見到"太陽病" 呢個名....到底係乜黎呢...
人少o的做運動就好爽架﹗
回覆刪除你o甘濕 ﹐ 我估你應該搵人『榨乾你』o的濕氣嘛﹗
[版主回覆10/21/2012 21:06:37]我最怕係d 人好嘈, 講野多過做運動, 好煩
又關事咩
之前都見你提新世紀裝修,乜依家仲未搞掂 ,查實佢係咪重建呀.
回覆刪除呢隻喉糖有咩特別呢.
太陽病...可能係d暗病既代名詞呀
[版主回覆10/21/2012 21:36:27]我都想知佢搞緊乜, 整左成年有多, 而家仲有好多地方要整
我鍾意d 味道, 同埋我覺得幾有效, 有少少喉嚨痛時食, 轉頭就唔痛
我有睇太陽病係乜, 只係唔明啫, 話明係太陽, 又點會暗
[毛豆回覆10/21/2012 21:33:48]你去Google下,原來中醫真係有太陽病.
阿部寬好想睇.
回覆刪除腸粉就唔使講啦.
太陽即係陽啦. 唔通你有d乜暗病有陽性反應??
[版主回覆10/22/2012 07:32:10]你果邊有冇得睇?
腸粉真係好食, 下次你返黎, 帶你去食
係得你先諗到呢D衰野
下次記得問下醫師太陽病係乜東東
回覆刪除另外你成日話個人好濕⋯
[版主回覆10/22/2012 16:28:21]
[毛豆回覆10/22/2012 16:10:33]佢係鹹濕,冇藥醫架啦.
[版主回覆10/22/2012 16:00:34]我諗就算佢解俾我聽, 我都唔明
試過, 不過好似冇乜用, 唔係咁夠力
真人版 羅馬浴場...!!?
回覆刪除佢既漫畫係幾年前的了 都係今年先出動畫版..咁快可以上埋電影-o-""
[版主回覆10/24/2012 10:10:16]係呀, 可能日本受歡迎卦
我都唔知佢原來有漫畫
kakaka~~~~早知唔駛買畀你啦
回覆刪除[版主回覆10/30/2012 18:47:37]你買左咩?
我呢邊都係見唔到有呀