每個星期日都做o既野.....去買餸....
今日 d 親戚黎左...阿婆o既身後事已經完結...埋一埋條數...將多出o既錢分番俾大家..
我邊煮野邊聽到鬧交...主要因為舊債o既問題...終於反目成仇...有d人真係令我好失望好唔開心..
有d 問題都唔到我去理....我都唔想理....唯有繼續忙自己o既野....
書枱枱面o既信件同埋雜物...多到忍無可忍......我都係要執一執先得....
香港寬頻sell我一個好抵o既plan....雖然我PCCW o既合約未到期...但係佢地可以而家幫我駁左線先....
等到出年年頭先生效...而且呢個黎安裝o既師傅好有禮貌又好交帶...真係要讚下佢先得...
都唔記得原來我未食lunch....不過師傅仲整緊野.....我唯有食住尋晚剩番o既半杯乳酪先...
整好晒d 野都差唔多六點....加上阿媽下晝俾人激親....都費事煮飯....我地齊齊去左食吉野家...
哈哈, 安裝o既師傅係咪好似陳豪咁有禮貌?
回覆刪除[版主回覆10/14/2012 21:27:09]好過佢添, 咁啱我屋企同出面機樓一頭一尾
佢要拉足成條走廊咁長o既線, 都依然可以保持笑容
我都係用呢間架喎 , 有咩好plan呀...咁好服務 ,你應該寫封信去嘛..等佢有嘉獎.
回覆刪除[毛豆回覆10/14/2012 23:20:04]咁就唔知了...
[版主回覆10/14/2012 23:18:33]我估佢應該係要俾月費先可以打到landline, 只係唔係次次計錢啫
[毛豆回覆10/14/2012 23:15:57]但我有fd係澳洲打黎我既landline, 佢話唔使錢架喎
[版主回覆10/14/2012 22:52:40]skype打landline要俾錢架喎
而家個apps 係唔使錢
[毛豆回覆10/14/2012 22:48:24]係囉..佢有好多野揀, 但都係要睇自己, 如果唔0岩既,送俾你都冇用啦.
你冇用skye咩.
[版主回覆10/14/2012 22:34:30]長途對我黎講又冇乜用
反而佢個2b apps幾好, 可以o係外地用wifi打電話返黎
[毛豆回覆10/14/2012 22:31:15]我依家用緊果個係可以免費打某d地方既長途, 都係2百幾.
算你啦..
[版主回覆10/14/2012 22:25:52]100mb上網 + 家居電話 + 2b 電話apps + 200mins IDD, 都係$206一個月
我已經o係佢張問卷調查俾晒滿分佢
講錢傷感情 ,親人都無臉比
回覆刪除住香港,壓力大 個個都擔心未來唔夠錢洗
[版主回覆10/15/2012 08:34:13]但係有借就一定要有還, 本身我地環境都唔係非常好
睇在親戚份上幫得就幫, 結果搞成咁
親戚竟然反目成仇,真係可惜 ........
回覆刪除HKBN 的確唔錯,值得一讚 !!
[版主回覆10/15/2012 08:34:54]叫做睇清楚d 人o既真面目囉
相比起PCCW o既師傅, 好好多添
講錢失感情﹐都系 數目要分明黑字白紙寫清寫楚﹐日后就免左麻煩﹐同傷心啦﹗
回覆刪除你果杯乳酪好大杯嫁? 我都未試過分兩次食。 你又可以忍口食一半?
[搞一爺回覆10/15/2012 09:49:54]你個宿世仇人-阿妹-又會o吾會系o甘呢?
半磅乳酪當一餐?你有無攪錯呀﹗
[版主回覆10/15/2012 08:35:59]冇諗過兄弟姊妹之間都會咁嘛
果杯係 1lb 裝黎架, 一次邊食得晒
係咪有'師傅'呢個title都會吸引到魚仔o既呢?? 好似蛋糕師傅咁.
回覆刪除[版主回覆10/15/2012 08:37:20]唔係, 王子吸引好多
提早幾個月安裝香港乜都競爭激烈!
回覆刪除[版主回覆10/15/2012 14:46:21]因為佢個promo就黎完, 但我而家份合約未完, 所以我要而家登記左先, 到時先生效
2b apps喱個幾有用
回覆刪除個師傅一定有D過人之處咁吸引到你
一有錢銀瓜葛通常都好煩
[版主回覆10/15/2012 14:48:26]申請左之後, 佢會俾個香港電話number你, 跟住你可以o係android或者iphone裝番個apps, 咁就可以o係任何地方, 上網打電話返香港
我只係欣賞佢好盡責, 同埋佢好好人, 有d 野唔關佢事, 佢都幫我整埋
唉, 唔好提喇
為錢傷和氣，令到先人都唔安樂。兄弟妹欠我好多，唯有等天理。
回覆刪除[版主回覆10/16/2012 14:00:18]而家根本想理都理唔到, 真係要放長相眼睇