一開電視...見到做緊瘦身男女...明明之後睇過好多次...但對d 劇情完全好似冇印象咁..
睇電視睇到唔願落街....所以今朝都冇落街食早餐....
繼續食cottage cheese + homemade麵包...仲加左杯蜂蜜乳醋添..
跟住連電視汁都撈埋....睇埋美味情緣o既大結局....見到林峰當年個樣.....真係有d 驚訝...
尋晚臨訓時...睇到新聞話南丫島發生撞船意外....不過冇睇清楚詳情....我就訓左...
今朝睇報紙....先知原來係咁大件事....知道有咁多人死左...真係好難過...RIP.....
下晝冇野做....醒起o係雜誌睇到介紹元朗美食....所以自己一個入去行個圈..第一站係呢個潮式腸粉...
d 腸粉同港式o既差別好大...不過裡面d 料全部都係我鍾意..有冬菇蝦米土魷...我仲額外加左蠔仔添..
第二站.....係去食甜品....有生磨o既杏仁糊....真係好香好滑....原本想試埋砵仔糕...可惜賣晒..
最後就係去阿媽最鍾意去買野o既藥行....幫佢買番d 通血管降血壓o既藥包..
今日真係去晒港九新界....因為約左朋友去食晚飯...所以要過去銅鑼灣...好在有架巴士直接去到....
一行八人....去左鵝頸橋街市o既大排檔食飯...今晚都算好彩..連平時多數賣晒o既魚腸焗蛋都食到..
我都咁上下起身睇到呢套肥戲翻做, 不過冇興趣睇..都係唔記得劇情囉..
回覆刪除林峰以前好似蘇友朋..
晨早你就食蜂蜜乳醋咁刺激野呀
為左食,你真係千山萬水都會去..
[版主回覆10/03/2012 09:07:20]係喎, 不停打錯字添, 唔緊要啦
[毛豆回覆10/03/2012 08:33:59]仲係＂乳醋＂？！
[版主回覆10/03/2012 08:28:15]睇落都唔太差呀, 所以睇睇下, 睇晒成套
總知就同而家好唔同囉
好刺激咩, 麵包 + 乳醋都幾好喎
咁又唔係好千山萬水, 我o係旺角坐巴士入去都係大半個鐘啫
對d 劇情完全好似冇印象>> 呢d係咪叫老人癡呆??
回覆刪除潮式腸粉未食過. 有興趣試吓. 有冇人落甜醬同麻醬o既呢??
[版主回覆10/03/2012 08:28:56]一向都係架啦
我諗唔會有人咁食, 因為其實佢似台灣d 蚵仔煎咁, 如果加呢d 醬有d 怪
我睇戲都會無心裝載﹐除非打動我o既情節先至會記得。好正常o者﹗今次講真話﹐o吾講笑。
回覆刪除cottage cheese 有無脫脂架? 肥C。
我都未喝過蜂蜜乳醋﹐ 甜甜酸酸架? 好有益?
林峰第一套戲系尋秦記﹐o厘套已經好樣左架喇。
食系魚大叔o既第一位﹐也是人生最大推動力o既源頭﹐ o吾怪得有d富翁會專登搭飛機去法國食個早餐﹐我現在理解喇﹗
[版主回覆10/03/2012 08:32:19]其實呢套已經係比較好o既港產片, 不過可能相隔太耐, 都唔記得晒
我呢隻係low fat
同普通乳醋分別唔大, 係多左少少蜜糖味, 我又唔知係咪好有益喎
我又唔係專登入去食, 只係想去行下, 好過坐o係屋企啫
潮式腸粉元朗邊樹有得食?
回覆刪除[版主回覆10/03/2012 13:18:25]我只係記得果條叫鳳翔路咋
咁有無拎返以前自己D相出黎睇覺得驚訝
回覆刪除[版主回覆10/03/2012 13:18:33]會嚇死添