見仲有好多時間.....諗住坐巴士慢慢過海....可以舒舒服服....
點知.....隧道勁塞車....過到中環時..仲要壞車...要轉去後面架車...差d 遲到添..
好難得 Ricky 哥得閑.....帶我去上環食好野.....好開心...
第一站.....上環市政大廈....瑞記咖啡.....有好特別o既玉泉樽奶茶 + 蔥花蛋牛治....
行過d ....再去左皇后街熟食市場....曾記粿品.....有我期待已久o既炒粿條...好好味呀...
食飽行左一陣....去到正街....源記甜品.....食左碗蓮子桑寄生茶....好滿足...
真係好飽....要行下先得....Ricky哥帶左我去行下永利街....電影《歲月神偷》取景o既地方...
跟住到左佢o既 coffee time......坐低飲杯野....傾下計.....原來時間已經唔早...要返屋企lu...
唔單止做左我幾個鐘導遊.....仲送左盒來自丹麥o既曲奇俾我做手信添....多謝晒...
返到屋企有d 攰...返左入房訓左o係床上面...阿媽明明係睇住我返黎....但竟然話以為我又出左去....
買外賣時冇買我果份...真係俾佢激死......好在我唔係好肚餓...食杯乳酪做晚餐..
上環市政大廈我經過好多次都從末入過去呀..唔知有野食添...玉泉奶茶係原裝家定用左個樽呀..好得意呢...炒粿條以前係星加坡成日食呀..依家幾年都冇食了..睇樣好惹味, 下次去試下..
回覆刪除你又有禮物收,黎緊既tea唔憂冇野食啦..
你係屋企真係好被忽略喎
[版主回覆10/13/2012 22:38:00]
[毛豆回覆10/13/2012 22:34:58]你夠膽都去舉報埋一份呀..你個25仔
[版主回覆10/13/2012 22:33:01]緊係你成日周圍講衰野, 俾人舉報得多
[毛豆回覆10/13/2012 22:31:21]咁邪
我係話有人送左曲奇, 你又可以慳返唔少啦.
[版主回覆10/13/2012 22:27:58]唔知點解好多時你留言都自己去左垃圾箱, 要我回復番先有
我都唔知原來有咁多野食, 當然係借用個樽啦
我好鍾意個粿條, 佢個蘿蔔粿都好好味
我從來都冇擔心過我o既tea
我一向冇乜地位架啦
用汽水樽裝我會覺得佢係洗唔乾淨.
回覆刪除[版主回覆10/14/2012 11:37:00]我又冇咁o既擔心
因為平時茶餐廳d 碗碟都係唔乾淨架啦, 冇乜分別
一時食o甘多﹐一時食o甘少﹐食野又無定時定刻﹐我真替你個胃擔心
回覆刪除[版主回覆10/14/2012 11:37:32]有定時架
就係不停咁食囉
半日遊行程唔錯噃
回覆刪除粿品啱食蓮子桑寄生茶想試
點解魚媽唔問下嘅咁無交流
[版主回覆10/14/2012 11:39:13]係呀, 多謝朋友o既安排
你實有機會去試o既
佢卦住做野, 做完就走左出街買野食喇
幾時輪到你帶隊一日遊
回覆刪除[版主回覆10/15/2012 14:50:02]我冇咁o既本事, 我只係識得食
但導遊先生連周邊o既事件都講解埋俾我聽