一式兩盒o既lunch.....今日要食埋part 2.......
一放工.....就雞咁腳走.....因為姑姐話有得優先去玩 Disney 個新遊戲....
呢度叫做灰熊山谷....其實唔係好大....主要係得一個機動遊戲....其他都係食店同影相o既地方...
個極速礦車....都算好玩.....雖然唔係好刺激....不過一架會向後行o既過山車...都幾有新意...
雖然只係開放俾受邀請o既人....不過人數一d 都唔少...排隊加埋玩機動遊戲...都已經過左成個幾鐘...
跟住到左醫肚..又要排長龍...野食真係貴...好在今日到訪o既人有三折...七十蚊食到二百幾蚊o既野..
招呼真係幾周到...除左優先試玩...食野三折....場刊入面....仲有換領劵可以免費換雪條添..
玩飽食飽.....原來都已經九點幾.....又係時候走人...好在聽日唔使返工...可以好好休息...
夏日炎炎唔做 promo,唔搞優惠.邊有咁多人去玩呀 !? 三折都要 $70 - 幾貴呵 ~~
回覆刪除[版主回覆07/04/2012 23:38:16]佢好似未正式開放
你緊係未去過disney 食野, 再貴都仲有
迪迪尼既野再平都唔好食囉...老鼠頭雪糕之前係日本食過,橙味既雪條..
回覆刪除[版主回覆07/04/2012 23:40:33]困左o係裡面, 再唔好食, 都冇選擇
其實果d 雪條只係雀巢之嘛, 係個樣唔同d 咋
我幾LIKE DISNEY上正場之前會攪吓STRESS TEST, 一來工作人員有機會預演, 二來啲機器可以行吓
回覆刪除[版主回覆07/04/2012 23:44:08]對我黎講, 最緊要係唔使錢有得玩
有免費試玩好"正"呀!
回覆刪除o厘幅新o既blog頭照好看好多﹐黑o左和瘦o左﹐(應該系燈光和角度o既不同)﹐換o左先講﹐上一幅感覺你好《肥肥白白》﹐好似迫爆照片。
[版主回覆07/05/2012 08:19:32]唔使錢就ok, 如果要我自己俾錢入去玩, 我就唔捨得
咁本身係肥嘛
Long time no talk, how are you?
回覆刪除I went to H.K. for a month, but I got fever for my vacation!
[版主回覆07/05/2012 12:56:02]做乜咁唔小心, 要小一心身體
我近排都幾好
會向後行o既過山車...都幾頭暈!
回覆刪除[版主回覆07/05/2012 12:55:45]我又冇咁嘅感覺
反而幾舒服
唔使錢食嘢又三折⋯堅正
回覆刪除[版主回覆07/05/2012 12:57:42]不過D野食份量少，如果正價就唔抵
@@ 你令我諗起我個陣迪迪 開既第2日我都拎到張優先入場. 個陣買野食都係半價.
回覆刪除你宜家仲半..3折... 但個陣真係好少人... 玩咩都唔駛半個鐘 哈哈. 同埋同2個好朋友去..
真係好回味.
[版主回覆07/05/2012 16:59:37]今次唔同lu
得一區係優先, 仲要擠滿晒人添
買左野食, 都差d 冇位坐
N 年前已經係 disney 食過嘢啦 !
回覆刪除[版主回覆07/05/2012 22:02:20]咁咪係囉
有邊個主題樂園食野係平喎
咁正o既有得玩.
回覆刪除[版主回覆07/06/2012 08:21:15]係呀, 黎緊好似仲有一個新遊戲添開
我見佢圍晒板整緊, 應該好快會有
灰熊山谷===>咁係咪好多熊去玩架呢
回覆刪除[版主回覆07/06/2012 20:46:00]我又唔覺喎
你自己去發掘下啦