6 Aug 2012

旅程o既最後一日.....一早起身....執好行李....跟住就落去食早餐...
早兩日食過o既 88 飲食中心....一定要去encore ........

呢個蝦麵早兩日已經食過.....不過真係好好味...要再叫....
今日呢碗o既湯好似仲濃d 添....另外個魚什撈麵都唔差....

跟住就再去埋轉角o既富源......再食多次kaya 多士....

返上酒店...執好晒行李......就checkout先....再寄存d 行李o係度...

我地下晝機走...所以要爭取時間.....因為唔想浪費時間...所以選擇坐的士出去...

首先去左訊號山o既瞭望台......其實風景唔算好靚....不過叫做到此一遊啦....

坐左的士上山....慳左唔少力同時間....所以可以自己慢慢行落山....
途經呢個艾京生鐘樓....雖然唔知佢背後有乜故事...亦都覺得佢唔係咁靚...不過都係到此一遊啦...

一落山....附近就係加雅街...咁我地緊係唔好浪費呢個機會...再去食野啦...
因為呢度d 餐館好多都早收舖..尋日食唔到...今日可以補番數食到呢間怡豐o既砂煲雞飯同埋牛什麵..

再o係附近行下....有呢間美麗華超市....有好多好地道o既野賣...不過我地一件都冇買到..

再行埋個 Suria Sabah 商場....又係果句....冇野行.....
不過反而個廁所就好得....去都去得relax d.........

商場對面有個地方....好特別......好似廢棄左o既建築物.....不過有好多塗鴉o係上面...真係幾靚..

真係冇野好行喇.......我地沿海邊慢慢向酒店方向行番去....又熱又口渴...要飲番d 野先得...

睇下隻錶....仲有一個鐘先夠鐘去機場....諗都唔使諗.....又去番呢間 Secret Recipe食甜品....
今次叫左Carrot Slice......Sherperd Pie.......仲有綠茶cheesecake....好好味呀...

終於要走喇...........

由市區去機場....其實只係好短路程....只係大概十分鐘....不過因為驚有塞車....
我地最後都係決定早d 去...不過去到個機場好細...冇野做....又係食野o既時候...榴槤雪條..

等左好耐..終於可以上機...AirAsia o既機位冇分class...但有幾行紅色o既櫈係闊d...要加錢先有得坐..
我就唔會使額外錢...不過細路仔唔坐得.前面有家人又唔知...最後要同我地調位..免費upgrade

返到屋企已經係夜晚九點幾....雖然好攰...但都要執埋d 行李先...一打開時...嚇親..因為個鎖俾人開左..
睇清楚...應該唔係俾人偷野....我估係我d 榴槤手信太勁味...當地海關以為我偷運榴槤...所以開黎睇..