心裡面定左一個日子......開始著新衫返工.....就係今日喇..
下晝同K 出左去翠華食lunch.....
跟住就要返去開個馬拉松悶會....仲要係同d 大粒o既一齊開添....真係悶足兩個鐘...
開完會已經好攰....返到office 仲要見到我個位七國咁亂...更加俾個借口自己唔好做野啦...等放工...
選擇今日著新衫....其實我係諗住著得靚靚....去送阿婆最後一程....雖然我唔明d 玫瑰經講乜...
更加唔明點解要重複又重複咁朗讀...不過如果對阿婆好..咁都無妨..
返到旺角已經接近十點.... 大家都未食野.....去左飲夜茶.....
黎緊相信大把悶會你開囉...預左啦...
回覆刪除你外婆都想見你地個個精精神神既 .
R.I.P .
[版主回覆08/30/2012 07:03:46]真係悶到想死
係呀,我都係咁諗
你個lunch咁怪o既,又紅又白,仲有o個條唔知乜o野.
回覆刪除[版主回覆08/30/2012 07:07:09]鴛鴦扒
不過我冇諗過連汁都係鴛鴦
麻麻地好食
升左職都仲要做阿四服侍人買早餐﹐乜你原來做打雜﹐Office Boy。
回覆刪除著左新衫就笑得好燦爛呀﹗
[版主回覆08/30/2012 08:08:27]係大家分工合作啫
都新衫嘅事
開悶會有冇瞓著
回覆刪除新衫好醒神不過都好casual喎
唸玫瑰經既係天主教?好似各門各派都有不同既經文為逝世者誦諗! 不過都係希望逝者安息!
[版主回覆08/30/2012 12:57:52]對住D大粒邊敢訓
咁我呢D低層唔使咁formal
係天主教儀式,其實做乜都冇所謂,死者可以安息就得
升左職以後都要咁樣執正靚仔D返工啦，唔係邊似老細！襯返條太更佳
回覆刪除更加俾個借口自己唔好做野啦...等放工====>我成日都想咁，可惜無你咁有power，要搞埋先走得
[版主回覆08/30/2012 18:42:07]一向都靚仔, 唔止而家
但我有power將d 唔重要o既推遲d 先做
真係悲喜交集既一日
回覆刪除[版主回覆08/30/2012 18:41:07]都唔算係悲o既
都過左咁耐, 大家都接受左
唔只令仔 BOR 手字都值得一讚
回覆刪除[版主回覆08/30/2012 22:43:04]哈哈
寫到好似打風咁都讚