不過出發前...要去食d 野先...酒店附近有間出名o既富源...d kaya 多士好好味..
慢慢由酒店行過去碼頭......
首先要搵左啱心水o既package先....我地揀左雙島遊....再租埋浮潛o既用具...
今次我好醒...一早上網搵資料...知道可以問佢攞discount...慳番唔少呀..
上船前....整理下d 用具先.....之前買定o既防水袋...而家用得著喇.....
第一站....係去左 Sapi 島先........
島上面d 風景真係好靚......諗番起...我都已經十年冇接觸過陽光海灘....
今次係我第一次玩浮潛.....原先諗左好耐...我唔係咁識游水...到底玩唔玩好呢...
不過既然有救生衣....應該冇問題啦.....好在最後決定玩咋....真係幾好玩....
最初諗住只係o係島上面買d 小食當lunch...不過最後都決定book埋佢個海鮮buffet....
所謂海鮮...其實都冇乜野食....不過以一個香港tea buffet o既價錢黎講...算係咁啦...
呢個 Sapi 島....原來仲出名有d 巨大蜥蝪.....有好多人走埋去俾野佢食....
大家都好開心......不過我就覺得佢好核突囉....
下晝一點多...我地就按計劃....過去第二個島......Mamutik.....
呢個島雖然比頭先果個細好多.....不過似乎靚好多.....
而且多好多魚添........一落水就有成堆魚圍住o既感覺....真係好得意...
玩左成朝浮潛...都有d 攰.....訓o係度....休息下.....好舒服...
快樂o既時光過得真係快........又係時候講byebye....
出番去市區....行左過去加雅街.......一條短短o既街....不過有好多好野食....
我地首先去呢間....佑記肉骨茶.....
我鍾意食馬來西亞o既肉骨茶多過新加坡果d....呢間都幾好味...
仲未夠滿足....行過d ....再去呢間馮葉....食喇沙.....
呢度o既喇沙....咖哩味好重......同新加坡果d....又係另一種味...
食飽飽....要行下先得......向海邊出發.....海邊有兩個露天o既市場...
有好多野賣...例如係小食.....生果....手工藝品....仲有d 手信...
我地黎沙巴....其中一個目標...係要食榴槤....不過黎左咁耐都未見到....
終於o係呢個市場見到呢..........緊係即刻買番一盒啦....
一邊食住榴槤....一邊欣賞夕陽同埋海景.....真係一樂也........可惜聽日就要走喇....
再行過d ...就係 waterfront.......呢度主要都係d 貴價d o既餐廳同埋bar....唔啱我地..
過去隔離個華麗山廣場行下......不過呢度d 商場真係冇乜野好行囉...
成身汗....都係返去酒店休息下.....沖個身先.....去左咁多次旅行...今次都係第一次o係中途返酒店..
日落之後....開始涼番d.....又到我地出動o既時候......出去食晚餐....
今餐食豪d....去左食真正o既海鮮餐.....酒店附近o既雙天海鮮....
冇就住就住叫....鍾意食乜就叫乜.....我都好少咁豪.....
不過又叫螄蚶....又叫蠔仔蛋...仲有蝦同埋蟹...再加炒菜..都只係三百蚊港紙多d..唔係貴喎..
食到咁飽...又要去行下....尋日我地企o係街邊諗緊節目時...有一家人行過...好好人咁介紹我地..
點知....原來佢地係開手信舖頭.....我地咁啱又行到去佢地間舖頭喎....
順道買番d 手信先....有榴槤朱古力...榴槤咖啡....仲有榴槤軟糖...全部都係榴槤...
飲飽食醉.....又買埋手信.....又係時候返酒店 lu....
水底世界好吸引架﹗果邊水清又多魚﹐香港真系搵唔倒。
回覆刪除海鮮好新鮮﹐不過整得唔太好食﹐晒o左﹗
寫明Souvenir Shopping都系做游客生意﹐食水會深o的。不過﹐最重要系好o吾好食?
[版主回覆08/07/2012 20:22:02]係呀, 真係估唔到岸邊都已經有咁多魚, 同埋d 水好清
日頭食果餐, d 海鮮其實麻麻, 不過百幾蚊一餐, 唔好要求咁高
都唔係, 唔算真係好貴, 我試食過, 都唔錯
我去布吉&浮羅交怡，Ｄ水清到＝玻璃水，Ｄ魚喙到個大脾＆小腿一撻撻瘀黑。岸邊淺水有鯊魚仔。
回覆刪除[版主回覆08/07/2012 20:22:36]其實係香港o既水特別差, 乜都冇得睇
嘩 ~ 睇嚟你係個好鍾意榴槤嘅人呵 ~
回覆刪除[版主回覆08/07/2012 21:31:57]我平時o係香港係好少食
不過馬來西亞d 榴槤真係唔同香港果d, 所以點都會食下
好鍾意水中拍照既感覺
回覆刪除水底世界真係好靚
[版主回覆08/08/2012 08:24:36]係呀
去之前都睇到人地d 相, 好靚
所以專登買定個相機防水袋
你地食力都好強.
回覆刪除[版主回覆08/08/2012 08:25:49]今次旅行係咁多次裡面, 食得最少架喎
超...唔好潛呀..笨
回覆刪除馬國d古力, 簡直把鬼, 好似嚼蠟咁
[版主回覆08/08/2012 13:11:18]
[毛豆回覆08/08/2012 13:06:08]嘩，仲整埋張咁既blog頭相添，黑人憎
[版主回覆08/08/2012 11:39:29]哈哈哈哈
d 榴槤朱古力又唔係太差, 叫做買少少手信囉
嘩! 簡直係魚魚共舞呀
回覆刪除[版主回覆08/08/2012 12:49:54]好好玩呀
冇諗過俾d 魚圍住會係咁
我都好想再去玩, 不過我諗有排先有機會lu
個防水袋係咪咩相機都可以就咁袋落去，就可以落水影啦呢？
回覆刪除[版主回覆08/08/2012 22:04:54]有分size, 只要買個啱size o既, 一套入去就可以落水