我諗應該都好晏先會有野食.....朝早都係要食飽 d ....
又經過左好多儀式.....再去火化......係時候要同阿婆講再見.....
旅遊巴直接由火葬場駛返旺角.....今日黎o既親友唔多...基本上只係我地自己家人去食餐英雄飯...
原本今日要去上羽毛球班...不過唔知幾時整傷左個膀頭...所以打唔到波....要走堂...
唔好浪費左下半晝假期...爭取時間.....去做下運動先.....
近排見過好幾次報紙雜誌介紹《女朋友●男朋友》...望一望錶...就到時間喎...自己一個去睇...
一個無奈o既三角戀故事...我愛的人不愛我...愛我的人我不愛....睇到有d 眼濕濕...
睇完戲都已經六點幾.....阿媽話佢地會落街食飯...不過我覺得好攰...寧願買外賣返屋企..
尋日去殯儀館時...o係鑽石山地鐵站見到間爭鮮...好想食...今日走左去太子果間買..
順利辦完事了, 你個靚媽心情OK 嘛
回覆刪除[版主回覆08/30/2012 22:03:14]過左咁耐, 都冇乜野, 冇乜激動
多謝關心
今日，係盂蘭節。老太一路好走。
回覆刪除[版主回覆08/30/2012 22:03:08]係呀, 就係因為今日係盂蘭節, 所以殯儀館先有位咋
你外婆早日安息.
回覆刪除原來係台灣片, 預左煽情架啦...
[毛豆回覆08/30/2012 22:31:05]咁我都覺中文片中, 台灣片質素ok既.
[版主回覆08/30/2012 22:27:10]係呀
台灣片黎, 但係好睇喎
魚仔o甘眼淺﹗ o吾似o窩﹗
回覆刪除[版主回覆08/31/2012 13:48:26]唔使樣樣野都要身處其中先會有感受o既
[搞一爺回覆08/31/2012 11:34:53]感同身受﹐三國戀中。
[版主回覆08/30/2012 22:56:11]你唔了解我啫
順利辦完你外婆最後一件事! 佢安息你哋又可安心!
回覆刪除[版主回覆08/31/2012 13:49:13]係呀, 大家都鬆左一口氣
唔知幾時整傷左個膀頭>>> 係咪唔知邊日o係床上做掌上壓呢??
回覆刪除[版主回覆09/01/2012 06:46:27]乜你興咁樣架咩