不過...都唔使開心住...第二朝咪又係如常要起身返工....
尋晚打完波...趕住返屋企....所以冇買定野做早餐....好在公司有大量儲備...
好似早兩星期先做左一次咋喎....咁快又有o既.....不過都冇所謂...多d 黎密d 手...賺多d分..
下晝出奇地好天...冇風又冇雨....原本準備左o既罐頭餐唔使食住....出左去買個兩餸飯...
呢兩日個人都好攰...今日都係唔做運動住....原本諗住只係去food court 食個簡單晚飯..
不過阿媽突然打黎....話佢地o係和花亭食緊壽司...叫埋我去....結果食得咁豐富..
今晚個廳特別靜....因為呢部古董電視終於都壞左...佢o係度服務我地都有十多年..都係時候退休..
今次既8號完全冇料到.反而下晝既3號仲大風...天文台混吉既.
回覆刪除可以買返個大電視睇啦...
[版主回覆08/17/2012 22:58:57]比起上次, 差好遠
都唔關我事, 我都冇乜幾何出廳睇電視
個風球都運吉﹐其實﹐系天文台幕后操控避開番工時間﹐等d打工仔無特殊假期。
回覆刪除部電器用上十年都算好好喇﹐o吾壞換機又好浪費﹐這真系一個完美o既終結﹐魚仔o甘多錢﹐快o的夾錢買布新電視。
[搞一爺回覆08/18/2012 11:26:37]我叫你《夾錢買》﹐即系無話你系有錢佬啦﹗ 你o的中文理解好差呀﹗o吾怪得你 o的 羽毛球同學仔都誤會左你系ABC啦﹗
[版主回覆08/18/2012 11:07:52]呢個世界唔係只係得有錢人同窮人o既, 都有d o係中間o既
[搞一爺回覆08/18/2012 11:04:08]一年去幾次旅行﹐間o吾中食好野﹐算有多餘錢架﹗窮人就憂柴憂米﹐無錢去旅行。
[版主回覆08/18/2012 08:50:51]一向都係咁架啦
有乜野令你覺得我有錢呢? 唔好散播謠言喎
香港有李氏力場之後,打工仔唔好想咁多 ........ 下午唔覺好天,否則今日一定去曬太陽 ! 之前曬到幾紅,但已經白番好多.連日嚟都落雨.睇嚟都幾難 ........ 晚餐食得豐富都好,你哋亦可以輕鬆 D !
回覆刪除[版主回覆08/18/2012 08:52:41]我諗呢兩日都唔會好天啦
係呀, 阿媽耐唔耐都會去食餐好o既, 又唔使煮, 休息下嘛
我屋企上一部電腦,電視都服務左我最少8年以上,
回覆刪除總覺得以前D 電器比較耐用。 依家D電器幾年就壞
[版主回覆08/18/2012 08:53:21]而家d 電器冇咁耐用, 好快就會壞, 冇法, 佢地要賺你錢嘛
又搵你做問卷??? 係咪次次都問o個d架?
回覆刪除[版主回覆08/18/2012 08:53:58]係呀, 問題次次都一樣o既
不過佢俾我, 我咪做囉, 答幾條問題啫
朝早仲睇到天氣報告夜晚就壞左，世事真難料
回覆刪除不過可以換高清啦終於
[版主回覆08/18/2012 11:08:20]房裡面有電視都唔係好難啫
[Gael回覆08/18/2012 11:04:57]咁正0既有私家電視
[版主回覆08/18/2012 11:00:14]果部係我房架, 我從來都唔o係廳睇電視
颱風來去匆匆
回覆刪除[版主回覆08/18/2012 12:17:00]係呀, 都預左佢會落得好快
夜晚打風無假放添!
回覆刪除[版主回覆08/18/2012 16:22:56]係囉, 同冇打過冇分別