原本酒店o既早餐.....冇食到....
食飽之後....就checkout 喇
今日係最後一日留o係台中.....要把握時間玩多d .....一早起身....坐巴士去西區...
睇書話....d 舖頭多數十幾點開....點知...台中人真係幾悠閒....十一點都唔見開門...
行左好大個圈....都係得呢間健康食品o既cafe 開左...入去坐下先....
之後去左精明一街行下.....不過完全都冇野行o既.....都係快d 走好過...
坐巴士返台中火車站附近.....有個叫做二十號倉庫o既地方....係由舊倉庫改建成o既藝術中心...
好似話好多情侶去果度拍拖....但裡面d 野太抽象....唔多啱我....
都係阿團友甲畫呢幅......啱我d .....親民d ....
襯仲有時間.....去附近個商場逛下......
到時候同台中講 bye bye 喇.....
首先又係要坐台鐵去高鐵站....
跟住再等高鐵......不過今次唔係去桃園站....而係直接去台北車站....好方便架...
臨出發前....o係台鐵車站買定便當....上到去高鐵食.....只係廿幾蚊港紙...但都好豐富喎...
一個鐘就由台中去到台北喇......
先去酒店放低d 行李.....酒店都好近台北車站....而且裡面好新....設備好齊....我好滿意...
梳洗一下之後.....出發.....去西門町行下.....
行左陣....想搵個地方休息下....可能太晏食tea...大家都未肚餓...想搵間cafe飲杯野...
記得以前西門町都好多cafe...而家好似少左咁多...反而搵到冇牛肉食o既吉野家....
唔知點解台北o既吉野家會冇牛肉食.....不過我地都唔諗住食...冇所謂啦...
最後我地搵到間cafe.....食左少少野......
再行多陣...我地就出發去師大夜市喇....
師大個夜市....比起其他台北o既夜市好....d 舖頭幾多野賣....難怪d 朋友都推介我去....
不過野食好似唔係好多.....我地都係食左呢個出名o既鹽酥雞...同埋一碗花枝焿.....仲有兩粒生煎包..
好似仲有好多時間....我地諗住過埋去隔離站o既公館夜市....
不過可能係平日o既關係.....好多舖頭已經關門lu.....所以我地只係去食左碗糖水就返酒店...
精明一街係 D書點你去呀? 個名好諷刺喎!
回覆刪除stock 20 係拍拖勝地 俾人扮高深呃人用。
團友甲畫呢幅畫又好好喎!
酥炸o野合我口味!『正』, 飲杯涼茶囉!
[版主回覆06/08/2012 23:23:05]我諗係唔啱時間去啫
好多藝術野都係扮高深架啦
我都覺得ok, 俾個like 佢
我已經由朝飲到晚, 如果唔係就熱氣死左
幅畫好好！個便當都唔錯！
回覆刪除[版主回覆06/08/2012 23:23:46]係呀, 佢真係畫得幾好
個便當真係抵呀, 飯裡面仲有好多蝦米, 好好味
原來你係隊長呀..帶人去d咁既地方又成日冇咩好睇.回水呀
回覆刪除師大夜市我都未去過...不過我覺得台灣d夜市都係賣差唔多野.
你有冇買蛋殼布丁呀
[版主回覆06/09/2012 08:38:45]去台灣就係睇呢d 野架啦, 個個夜市條條老街都係差不多
比起士林果d, 師大多d 本地人, 多d 後生仔去, 冇咁遊客區o既感覺
冇買喎, 我覺得唔係好吸引
團友甲畫o既隊長好似喎.
回覆刪除[Gael回覆06/09/2012 15:13:02]我都覺畫得好Q
[版主回覆06/09/2012 08:39:15]
咁下次你咪可以拍住拖再去過
回覆刪除[搞一爺回覆06/10/2012 09:21:30]唉! 可以一齊浸溫泉, 玉帛相見。
王子好恨架!
[版主回覆06/09/2012 15:17:36]我下次約埋你去啦
團友甲的畫功好有水準, like!!
回覆刪除[版主回覆06/11/2012 14:45:10]都算係幾有水準啦