結果去左7仔買三文治...以前成日都會o係7仔買早餐..不過上一次已經十年有多lu
入左呢間公司冇耐....就買左支hand cream 用....一用就竟然用左三年....我諗都已經過期lu....
都係唔好再用......買過一支新o既....不過有d 感慨...呢支hand cream見證住我o係呢間公司o既工作..
突然間咁感性...當然唔會因為支hand cream 啦....係因為同我同期一齊入黎做o既L 同事都走喇...
雖然未到last day.....不過我地提早同佢farewell.....沾佢o既光....老闆請埋我地食buffet...
成個下晝都好眼訓.....最初以為飯氣攻心....但我終於發覺..因為我同中醫講話訓得唔好....
所以.....食完藥就超眼訓....好辛苦先挨到放工....仲係好飽滯....都係去食粥算喇...
之前o係台灣...為左儲印花....o係7仔買左排龍角散喉糖....
啱啱先開黎食...估唔到又幾好...好似好有效...但唔知香港邊度有得賣呢?
你揼咗枝舊hand cream未呀? 唔好嘥呀,用嚟搽吓腳板都好架.
回覆刪除[版主回覆06/21/2012 22:17:08]唔係, 只係啱啱用晒啫
d藥你應該臨瞓前食.
回覆刪除[版主回覆06/22/2012 08:43:44]我冇午睡習慣架喎
[噢!地利 Oh!tria回覆06/22/2012 04:28:31]可能係for 有午睡習慣o既人服用.
[版主回覆06/21/2012 22:17:20]佢寫住一日食兩次架喎
食中藥都會眼瞓o羊? 如果食o左o吾揸得車﹐按照新法規﹐藥袋應該有警告字句提醒o吾好藥駕o窩!
回覆刪除[版主回覆06/22/2012 08:44:35]會架, 有d 中藥係幫助入睡
我諗佢中藥都未納入呢d 範圍架啦
呢隻喉糖真係幾得上次去日本幫屋企人入左貨⋯
回覆刪除[版主回覆06/22/2012 16:24:44]我諗香港都可能有, 有人話見過
入左呢間公司冇耐....就買左支hand cream 用....一用就竟然用左三年....
回覆刪除你係呢間公司既老臣子之一喎
老板都應該好珍惜你..HAHA
[版主回覆06/22/2012 22:46:37]你啱啱出黎做野, 緊係覺得三年好長, 其實好短架咋
比起真正o既老臣子, 我要再做多幾倍時間呀
睇黎你在公司已成為大佬了
回覆刪除[版主回覆06/25/2012 16:42:59]有排都未到我啦