點知....今朝一覺訓醒....已經變左 1 號....點解"杜蘇苪"會行得咁快...
諗住打風....出面會大風大雨....所以買定d 野...自己整早餐....
點知原來出面風平浪靜....所以出去做下運動......做完之後....漫無目的o係條街行左好耐...
最後...o係Starbucks坐低左....自己一個人靜靜咁坐左成個鐘....
睇番之前o既blog....原來我轉用日記型式寫blog 已經寫左一年幾...曾經有好幾次想唔再寫..不過我諗
平時有d 冇乜機會見到o既人..呢度係我地唯一o既聯繫...可能佢地根本唔會黎睇..但我會..繼續寫..
阿媽人就去左旅行...但雪櫃仲留番唔少野食o係度...
經過幾日o既努力...我終於將易變壞o既肉類, 生果, 蔬菜....食得七七八八...
好在夠快手.....行李牌已經換晒喇.....
好彩今日請左假
回覆刪除如果唔係今日朝早會遲到
[版主回覆07/01/2012 22:20:19]我個人o既意見, HD 會比副學士好
因為我都係由HD 上degree
雖然都係一條難行o既路, 但起碼機會大d
[黑眼熊回覆07/01/2012 21:43:34]這是最後 後路 , 別無他法下先會選讀
大學聯招 已經安排好,只希望可以獲到DEGREE/HD 課程
[版主回覆07/01/2012 13:15:35]好似話副學士冇乜用喎
你有冇考慮清楚
[黑眼熊回覆07/01/2012 00:03:15]因為要去報 讀副學士
所以唔請唔得
[版主回覆06/30/2012 23:42:28]星期六都有得請假? 咁好o既
只有四小時的八號風球…
回覆刪除[版主回覆06/30/2012 23:42:51]對我黎講, 影響唔大
因為我本身今日都唔使返工
你夜d瞓拖住佢咪可以留耐d囉...
回覆刪除一條友坐成粒鐘兜巴星,係度冥想呀
又打算唔寫
嘩..原來你都煮幾味架喎...一個人食咁多...
咁幾時有得攞呀.
[版主回覆07/01/2012 10:10:04]算啦, 對我都冇乜影響
一個人坐o係度, 諗下野, 都幾舒服
而家咪繼續寫囉
其實好少野之嘛, 得幾隻蝦, 一小片青魚, 同埋沙律之嘛
上次都要等一個月, 我估今次都要
o甘得閒咪去買鞋o羅﹗你最鍾意架啦﹗ 送俾人做禮物都得呀﹗
回覆刪除系呀﹗要堅持日日去做一樣野系好困難架﹗背后一定有好強大o既推動力。
雪藏蝦同雪藏魚都可以放好耐架﹐阿媽怕會餓親魚仔﹐所以﹐暗地里買定D野放喺雪柜到。
[版主回覆07/01/2012 10:11:34]唔買住買, 你估真係發左達咩
其實已經變成習慣lu
但佢已經雪左好耐呢, 我一向都係自己去買餸, 佢根本唔會操心
兜巴星個個係乜tart?
回覆刪除行李牌好搶手，希望會收到
[版主回覆07/01/2012 12:39:57]Lemon tart 黎, 好味道
如果submit 左, 就應該會收到, 只係時間問題啫
幾年前, 我阿娘同佢老公跟個仔出TRIP, 我以為終於有機會唔係佢地[監管]下獨局會好開心, 點知日日都驚唔記得關門關窗, 檢查幾次先出門口, 放工無浦即時返屋企睇屋, 第一日仲攪野, 開唔到洗衣機, 煤氣爐同微波爐, 個心荒張到唔係咁抵死, 一晚整壞晒屋企電器, 後來羅太打番屋企CHECK我先講, 佢驚我燒咗佢間屋, 所以關咗電箱總製
回覆刪除[版主回覆07/01/2012 22:17:00]哈哈, 佢地咁睇小你呀
其實都幾奇怪, 屋企裡面冇人, 反而會更加想返屋企
我留o係屋企都唔想出街添
耐唔耐自己一個人獨處下, 感覺幾好
好彩咁早落風球，否則返工好麻煩
回覆刪除我會黎睇架
[搞一爺回覆07/06/2012 14:58:12]你呢Do米叫《跌落地下嗱番喳沙》o羅﹗
[Gael回覆07/06/2012 14:42:42]我諗佢係見到你搭訕先費事覆0者
[搞一爺回覆07/06/2012 11:35:29]同魚仔共處一室﹐仲要系雷雨交加o既打風晚上添﹗ 基爾真系嫌命長﹐o吾怕俾人誤會o羊﹗ 怪o吾得魚仔都o吾知點覆你丫﹗都o甘大個人架喇﹗
[Gael回覆07/03/2012 13:01:59]咁第時打風無家可歸時，係咪可以黎你度宿一宵
[版主回覆07/02/2012 18:55:40]你住o係偏遠地區, 有冇打風, 返工都係煩架啦
okok
寫blog為乜??? 吹吓水.
回覆刪除[版主回覆07/06/2012 08:18:42]我邊有你咁多見聞, 寫黎寫去咪又係果幾幅被