3 Jun 2012

台中間酒店....包埋一d 簡單o既早餐.....雖然係普通o既三文治...不過唔使錢就算啦...

食飽就要快d 出發喇......

今日第一站係.....彰化.......

原來台中同彰化都距離唔遠.....只係二十幾分鐘車程....

原本我地想去參觀個扇形火車廠...點知原來星期一唔開....唯有去食番個part 2 早餐...

跟住我地就去八卦山風景區....途中都經過好多野.....好似呢間孔廟啦....不過冇入去睇...

仲有呢間出名o既木瓜奶......呢杯野真係好正....

八卦山風景區好大.....o係一個山頭上面....有好多唔同o既景點.....我地首先到左呢個大佛...

然後仲有呢d 退役o既戰機....

仲有架大 d 架....

個山話高唔高....不過行晒成個山頭....都好攰.....都係時候坐低補充一下...
呢間餐廳 d 野食麻麻....不過最吸引o既地方係......有免費wifi ........

食飽之後要落山lu.....其間見到間台灣大哥大....原先我冇諗住買3G咭...不過我connect唔到酒店wifi..
結果我都係要去買一張........呢個哥仔.....我真係頂你唔順.....開張咭足足搞左成大半個鐘....唉....

不過呢個哥仔都唔係冇貢獻o既...起碼佢介紹左我地我隔離街間阿璋肉圓....

冇錯呀......咪就係那些年果間囉......雖然兩個團友都麻麻地鍾意肉圓...但點都要試下o既....

仲有呢個書包....我好想攞起黎影相....不過怕俾人鬧....都係就咁影張算....

又要去下一站喇......坐巴士去鹿港.....

大概半個鐘o既車程....到左鹿港喇....

其實鹿港只係一個小小o既市鎮.....唔算太多野睇.....
其中比較深刻 d o既有呢間一級文物......龍山寺....真係一間好古舊o既寺院...

仲有呢條好得意o既巷.....呢條巷叫做摸乳巷.....
因為佢係好窄好窄....如果兩個人一齊行...會心口貼心口...所以得左呢個名字....

鹿港都有一d 好好食o既野.....呢間老龍師肉包....真係好好味....排晒大隊....

行到咁上下....個天都黑晒.....o係附近求其搵間野食.....
見到呢間野個名咁得意..叫做"懶得煮".........所以入左去

食左我呢個旅程第一碗牛肉麵....可惜.......唔係好得....

反而個廁所就值得一講.....如果俾我....我就算急到死....都唔會o係度開大..........哈哈....

鹿港可能因為係鄉下地方........ d 人都特別nice....有個嬸嬸好好人咁教我地坐乜車返去....
仲企o係側邊同我地傾計.....直至我地上車為止........驚我地上錯車...

坐番巴士去番彰化....再轉台鐵返台中.....時間都唔早....酒店附近比較靜...冇乜野好行....
離遠見到間便利店...諗住入去買d 野....點知.....行到埋去先知....原來係一間專賣手機殼o既舖頭..

o係香港好難搵到我部電話o既殼.....不過呢度竟然有喎....而且仲好得意添...即刻買番一個...

再行多陣....發覺原來有一間24小時o既家樂福喎.....團友甲乙立即掃貨....
時間已經唔早.....買完野就返酒店lu.....