5 Oct 2012

尋晚十點幾就訓....所以今朝一早醒左....返去公司canteen..買個早餐慢慢食..

星期五....要食好d ....我同B 又發揮我地極速食野o既能力.....
用左廿分鐘食晒個餐...一點前埋到單.....有discount .....

有大把時間剩....可以周圍行.....去買定個蛋撻做tea.....

去左好多地方....都仲未夠鐘.....見到撞車.....
企o係度八卦下先....好在只係好小事..冇人受傷....但架車就好傷喇

食左咁多野....原先諗住放工去做運動.....點知....原來今晚健身室唔開...結果又去食野...

都唔明我個妹點解可以咁大安旨意....聖誕返番o既機票....到而家都未搵...只係卦住去行街
結果....咪又係要搞到我......幫佢搵左成晚.......仲要挨貴機票添.....唔好返黎好過...

4 Oct 2012

唔記得買早餐.....過到金鐘....冇乜選擇...唔情願之下...唯有買美心麵包..

今日全日都要上 training ..... 仲要唔知佢講乜鬼.....真係悶鬼死...

好唔容易先挨過上晝....可以去食飯....過左去名都....買左個燒味飯 + 點心套餐....

放工又去左睇中醫.....唉....到底我有冇好番o既一日呢......

唔知發生乜事....平時執藥最多都係十幾分鐘....今日足足等左個半鐘....
原先諗住去食d 好野.....不過搞到咁夜...都係返屋企樓下買d 野食算...

3 Oct 2012

放左幾日假...又要收拾心情...食個簡單o既早餐..又要開工喇...

尋晚返到屋企....見到有d 食剩o既餸...攞晒返公司.....lunch 又慳番餐...

不得不讚下呢個設計....手襪型o既聽筒.....真係有創意又實用...

尋日休息左一日.....今晚要復工.....去做運動........
跟住去左食吉野家....價錢越來越高.....份量越來越少...唉...

反而百佳就幾慷慨.....又有積分送喇......

2 Oct 2012

假期o既最後一日....點都要訓晏d ....點知一訓就訓到十點咁滯....
一開電視...見到做緊瘦身男女...明明之後睇過好多次...但對d 劇情完全好似冇印象咁..

睇電視睇到唔願落街....所以今朝都冇落街食早餐....
繼續食cottage cheese + homemade麵包...仲加左杯蜂蜜乳醋添..

跟住連電視汁都撈埋....睇埋美味情緣o既大結局....見到林峰當年個樣.....真係有d 驚訝...

尋晚臨訓時...睇到新聞話南丫島發生撞船意外....不過冇睇清楚詳情....我就訓左...
今朝睇報紙....先知原來係咁大件事....知道有咁多人死左...真係好難過...RIP.....

下晝冇野做....醒起o係雜誌睇到介紹元朗美食....所以自己一個入去行個圈..第一站係呢個潮式腸粉...
d 腸粉同港式o既差別好大...不過裡面d 料全部都係我鍾意..有冬菇蝦米土魷...我仲額外加左蠔仔添..

第二站.....係去食甜品....有生磨o既杏仁糊....真係好香好滑....原本想試埋砵仔糕...可惜賣晒..

最後就係去阿媽最鍾意去買野o既藥行....幫佢買番d 通血管降血壓o既藥包..

今日真係去晒港九新界....因為約左朋友去食晚飯...所以要過去銅鑼灣...好在有架巴士直接去到....
一行八人....去左鵝頸橋街市o既大排檔食飯...今晚都算好彩..連平時多數賣晒o既魚腸焗蛋都食到..

1 Oct 2012

今日反傳統....冇落街食早餐....反而留o係屋企整......
除左有腸仔蛋.....仲有我阿媽近排迷上左o既 cottage cheese....

Google 呢幾日慶祝佢d apps 下載次數過250億次....所以某d apps 有discount...
只係 2 蚊港紙.....就可以買到......我都唔錯過呢個機會....買番兩個...

一直都覺得 HK Walker 好似冇乜野睇....所以都唔買....
不過佢今期講京阪神....即管買黎睇下....裡面真係介紹左好多餐廳....不過價錢都偏貴..

晏左食早餐....都冇咁快肚餓...不過因為跟住要去打波...
所以都要食定少少野.....o係屋企搵到阿媽煮o既雜菜湯...仲有一塊homemade麵包..

出發去打波喇........今日好好彩....因為book 到兩個鐘......可以盡情咁打...

打完波都只係五點.....因為有d 朋友要返屋企食飯....所以我地得番兩個人....o係佐敦行行下....
突然諗起之前o係雜誌見過o既1000円燒肉店...去左試...不過不失咁啦..