台北o既酒店冇包早餐...要自己落街搵食....
呢間連鎖店o係高雄都食過...都唔差架....起碼比台中碗牛肉麵好得多...
今日都係要好早出發....因為又係要去好遠o既地方.....烏來....溫泉之鄉....
坐完半個鐘捷運....再坐左成大半個鐘巴士....終於到喇...... 坐耐d 車都抵o既.....d 風景真係靚.....
行入呢條老街....同其他地方o既老街都大同小異....都係賣遊客野....
再坐呢架小台車向烏來瀑布出發....
聽講以前呢d 台車係用黎運野....而家就變成賺遊客錢o既工具喇...
經過埋呢個情人步道....就會見到瀑布架喇....
嘩.......好靚呀.....雖然冇上次o係十分見到個瀑布咁大....不過連埋下面d 小溪...又另一番風味...
上山時...我地選擇左坐台車....落山時...就自己慢慢行....欣賞下風景....
今次黎鳥來...其中一個原因....係為左浸溫泉....
呢間溫泉旅館又真係唔錯.....o係正溪側邊....風景好....而且價錢平....
我地三個人share一間湯屋.....浸個半鐘....每人都係五十蚊港紙咋...好鬼舒服...
浸完溫泉....行過幾間舖....有間郵局....團友甲俾套變型金剛郵票吸引左入去....
原來剩番最後一套咋...佢真係好彩...不過我地都好彩...因為郵差叔叔送我地每人一套post card...
唔知係咪因為浸完溫泉...我地好鬼肚餓...快d 去搵野食先....
烏來老街同其他老街o既最大分別....係佢每一間食肆出面...都放滿新鮮o既蔬菜..好吸引...
呢間由泰雅人開o既舖頭....野食都好特別....好好味...我仲飲左杯好味o既小米酒添...
又係時候要準備返去台北喇.....臨走前去食番條山豬腸先....
記得以前o係十分食過.....好回味......山豬肉味....真係普通豬肉冇得比....
行番出去個車站....見到條好高o既吊橋.....上去影下相先走...
出番市區....比原定時間早.....臨時加插一個節目.....
坐捷運去芝山.....再坐接駁車去天母行一陣......
近兩次去台北...都冇去過天母...上一次....已經係十幾年前...而家好似冇乜野啱行...
今晚o既節目.....去重建翻新o既士林夜市.....
裝修左之後....比以前細....不過有左冷氣....食野唔使咁熱....
黎左台灣幾日....都未食蚵仔煎.....最後一晚o係台灣...點都要食....
團友甲乙話以前o係士林夜市食過鐵板燒....好想再食.....當然冇問題啦...
不過我地order 野食時....叫得太興奮...叫左太多野....一餐就 KO 左我地lu....
台灣o既7仔做緊promo....買野儲印花...可以加錢換snoopy 購物袋...
我睇中左一個.....d 印花由台中儲到台北都未夠...今晚係最後機會.....
原本好開心.....點知.....服務員一句 "不可以自己挑的"..........
oh......又唔早d 講........但都齊晒印花...都要換架啦....到底中唔中呢...........
7 份之 1 o既機會........我又邊有咁好命.......唉.....算吧....返酒店...
