2 Feb 2014

今朝約左D 朋友....入大嶼山大佛.....突然醒起我有D 積分可以換紀念車票.....

一程車都十幾蚊...可以慳番唔少.....真係要讚下自己.....

入到去食完早餐.....諗住去坐車o既時候.....見到巴士同360 o既人龍.......

長到有幾個蛇餅.....原本都知係多人架喇...不過冇諗過咁誇...分分鐘兩個鐘都上唔到車...

都出左黎...冇理由食完個早餐就返屋企嘛.....睇下附近有乜車坐.....再決定去邊...

發覺所有巴士都排晒長龍....唯獨呢一條少人好多.....天水圍......就去濕地公園啦....

今日真係好鬼熱....行完個公園.....都成身濕晒.....搵個地方坐下先....

既然去到天水圍....緊係要去元朗食野啦...不過好多舖頭都未開市...最後求其揀間...

時間唔早唔晏.....食晚飯又未夠鐘.....結果去左B 仔食甜品....

等位等落order等野食...足足消磨左一個鐘......

都已經六點幾.......坐西鐵出左深水埗.....一出地鐵站....真係嚇左一跳....

人山人海....全條街都係小食檔手推車....唔講仲以為去左台灣夜市添.....

o係黃金附近....有間舖頭開倉....竟然執到筍野....因為攞住太多野...所以o係就近餐廳食晚飯就算..