21 Sep 2012

尋日阿媽整o既麵包...竟然有兩塊剩.....攞黎做早餐....又可以慳番..

我地部門o既harddisk 裝住無數咁多重要o既data.....不過......佢竟然開唔著...
成個朝早....同事們忙住做大手術.........睇下可唔可以救得番佢....

K 同 B 話想買南記外賣.....我唔反對....因為又可以食我鍾意o既春卷....

上幾期都冇人中呀......唔知我可唔可以做香港開埠以黎....第一個中過億六合彩o既幸運兒呢....

個個都話去抽....我都湊下熱鬧.....抽埋一份.....不過....最後都係冇我份.....

發生左突發事件....搞到我七點先o係公司走...仲要趕過去尖沙咀....同屋企人食buffet...
我阿妹過幾日就返英國....所以又搵個借口去食buffet......好飽...

20 Sep 2012

好耐冇食過麥記o既早餐....今日去買左個芝士雞堡....加杯朱古力...
但睇落又好似唔係咁夠飽喎....於是...我自己加左d 麥皮入去杯朱古力度...但唔好食囉..

下晝出左去新釗記食lunch...拋開所有野....放縱一下....食番碟梅菜扣肉飯...正....

今日有OT o既危機....所以同B 去買定d 迷你麵包.....做好準備...

好在到最後都唔使OT .....不過我都冇去做運動.....唔想又係食八方雲集....
所以o係樓下買車仔麵食...但我有d 後悔...因為竟然要成40蚊..早知食八方雲集好過...

阿媽好耐冇整麵包喇.....今日個麵包機竟然重出江湖.....

雖然仲有成半年先到.....但以我o既性格....都係預早準備好d......

19 Sep 2012

食麵包食到悶...想買下其他野食.....點知去到KFC 見到個個都攞住coupon..
心知不妙.....果然要等好鬼耐......早知就唔去.....

個人都仲未醒.....就要去開會喇.....仲要一開就開兩個鐘.....真係悶死...

尋晚返到屋企....見到d 餸頭餸尾.....加加埋埋都夠我食....攞番去煮個米粉...咁又慳一餐...

每次去外地...我都總會睇下當地麥記有冇d 特別o既食品....睇報紙見到奧地利有麵食...
我諗我有排都唔會去到奧地利.....唔知遠方o既王子....有冇食過呢?

放工又攞住一大堆野去做運動.....今日好勤力....跑得快左又耐左......不過好攰...

睇到d 朋友去日本旅行.....真係好想快d 到出年Easter....可以去大阪....
有排都未去到....唯有去food court 食住d 平價日本野....望梅止渴....

我阿妹唔知o係邊度攞盒潮州月餅返黎.....睇落好似酥皮撻咁....
試過個香菇味.....又幾得意喎....不過似茶樓d 點心多過月餅...

18 Sep 2012

買左好多麵包.....今日由朝開始....食麵包食到飽...

有同事回鄉探親.....攞左d 澳洲手信返黎俾我地....不過我想知..
到底澳洲除左nougat...可唔可以有第二樣野架..

今日下晝都係食粟米沙律.....不過再加多個粟米湯...

有vendor 出手好重....竟然送左盒龍島朱古力俾我地......快d 食番粒先....

今日由朝食到晚......放工仲要冇去做運動添......自己一個人行左陣街....再去food court 食三餸飯...

17 Sep 2012

尋晚成晚都訓唔著....輾轉反側......搞到今朝差d 起唔到身返工...

又係我o既定律.....早兩日食多左.....而家要食番少d ...

放工前....突然有一副熟悉o既面孔出現......
係前同事返左黎呀....佢之前幫我o係北京同仁堂買o既野.....終於收到...

放工做完運動.....去左食譚仔.....因為心血來潮...好想食佢d 尖椒皮蛋....再加一碗過橋米線兩份分..

返到屋企.....再加一小件冰皮月餅.....啱啱好.......
而家d 冰皮月餅真係越出越多款....我已經好多年冇食過傳統o既月餅lu..