22 Jul 2012

六點幾就醒左......所以又去左晨運.....

跟住約埋阿媽去食早餐.....阿媽話之後要去九龍城.....睇下d 老人院....

我地前後都睇左四間...原來好多老人院o既環境都係麻麻...或者係因為價錢比較平o既關係啦..
見到 d 老人家....有少少心酸...後生o既要搵食...冇時間照顧係事實...但做孤獨老人真係好慘...

差唔多行左成個九龍城.....腳又攰....肚又餓.....去大家樂醫下肚...休息下..

返屋企休息左一陣....過左尖沙咀行街.....夜晚約左人去打波....
之前上左兩堂訓練班....似乎對我未起到作用....都係咁屎波....

雖然技術未有進步.....但起碼消耗左唔少.....好過冇啦.....
既然消耗左.....當然要去補充番啦.....

21 Jul 2012

原本今日唔使返工...不過同事有事...要同我調week....
加上有野要做.....晨早就要返到去...平時呢個時候...我先o係屋企慢慢出門口咋..

因為趕住返去o既關係....冇買野食....直到搞掂晒d preparation.....先煮個福麵食...

其實今日要做o既野....唔係我直接去做....我只係負責support....所以成朝o係度等等等...
於是....又上去 moov 睇下有乜睇...結果睇晒成個 ReImagine演唱會.....有d 掛住哥哥...

我地最近發現左個大秘密....呢舊藝術品放左o係我地office 門口都已經一段長時間...
我地一直以黎都諗住係一舊大石雕黎....點知....佢原來係金屬黎架....好驚呀...

 

發生左少少阻滯...差d 就唔可以準時收工....好在到最後都順利完成...又可以去做運動...
做完之後....去試新野....早排睇雜誌...見到屋企附近開左間潮州粉麵舖...

原本一心係想去試呢個墨魚卵...不過原來都唔係好特別....只係好似墨魚滑咁...
反而佢d 魚蛋同墨魚丸就好好味.....好彈牙....

今日o既天氣真係好焗....都唔想周圍行....成個下晝都o係屋企休息....
阿媽忙住幫阿婆搵老人院....都唔得閑煮晚飯...所以我地去左食牛陣...牛牛牛啱晒我...

20 Jul 2012

訓晏左....冇時間買早餐....要動用公司o既儲備...

今日做野時....發覺原來公司某一層o既廁所好巴閉....係用掌紋開門架....
後來先知...原來因為跳舞o既人唔方便袋住張咭開門...要用手掌黎開...

lunch.....同B 出左去食....去左成日去食叉燒炒蛋果間茶餐廳...不過今次變左心..食咖哩牛腩..

以我同 B o既進食速度....食飽仲有大把時間去shopping...

其實完全唔覺得肚餓....不過有人口痕....想食開左樽腸仔食一條....
點知...原來開封之後....要24小時食晒....結果我地無端端每人食左三條....

今晚約左班朋友去 Fat Angelo's 食晚餐.....

之後....朋友們誠意邀請....一齊去bar 飲杯野....雖然我唔係咁好去呢d 咁嘈o既地方...
不過都俾面去一去啦...回想起上一次落bar.....可能都已經係十年前o既事 lu....

今晚仲收到老虎仔o既小禮物.....thx.....

19 Jul 2012

食開...就要食埋佢.....

心情麻麻....邊上網聽歌...邊做野.....突然醒起...好耐冇login過PCCW 個 moov....
所以入去睇下有乜歌聽....見到劉美君隻新碟...翻唱左好多首廣東歌...越聽越好聽...

冇帶飯...又唔想食正餐....同 B 出左去掃貨.....買左一大堆垃雜野食....

仲買左一罐新出o既椰青水....同真o既椰青真係一樣味架喎...

臨放工.....食番個蘋果....再加一個朱古力鬆餅.....有充足o既能量去打波...

今晚上羽毛球班o既第二課.....打左差唔多成個鐘...跟住教練就講番我地犯o既錯誤...
佢講果d....我全部都犯晒....原來其他人好多都已經學左一段時間...真正o既初哥..得我一個..

18 Jul 2012

尋晚聽新聞講六合彩number時...聽到好似中左三個半字....今朝login入去睇下...
原來真係有 $320 派彩呀....咁大個仔...都未試過中多過三個字架....

尋日食完d 古怪早餐....今日食番d 正常d o既.....火腿芝士包....

原本今日冇飯帶....不過尋晚阿媽話佢地有d 餸頭餸尾....於是今日帶番公司...再煮個麵食...
博學多才o既 B 同事話.....諗起一個詞語....殘羹冷飯.....咁我都要多謝阿媽...拖捨d 飯菜俾我...

無意中o係facebook 睇到一隻狗仔做主角o既page.....呢隻狗仔叫做"俊介"....
個樣十足十一隻公仔咁......佢主人成日將佢同d 公仔放埋一齊...真係非常可愛..

今晚如常去做運動.....跟住又係照慣例....去買盒八方雲集返屋企食....