21 Oct 2011

過左灣仔買早餐...雖然好似好多選擇...
但左揀右揀...都只係買到subway...不過點都有d 新鮮感o既..

尋日去金鐘買沙律o既時候...發覺地下間星馬餐廳原來有特價外賣飯盒...
plan定今日去買黎試試...d 海南雞飯都幾好....38蚊都算合理...

收到 homemade scone .... 做下午茶最啱...好味道....

上次幫啜啜橙慶祝生日時去左 oliva...儲左好多印花...有好多野食送...
因為十月底前就要用...所以今晚再去....

20 Oct 2011

唔知點解...屋企突然多左部 ipad ....尋晚見阿媽成晚攞住唔放手...

今日晏左起身....唯有返到公司動用儲備...不過俾同事話我食埋d 味精野....

o係報紙見到呢部免油炸鍋....覺得好方便....
上網搵下d 資料...原來都唔係新野..上年o既產品...不過而家都仲要賣千七蚊...太貴..

下晝過左去金鐘買野食....買左盒好健康o既沙律...都不忘買番個冇益o既撈麵 ..

飛就已經買左好耐....今晚終於到左睇show o既日子...
雖然聽左隻碟之後...對d 歌冇乜印象....但今晚都依然有少少期待

19 Oct 2011

隔夜又隔夜o既麵包仲未食晒....又冇買野返去夾...突然醒起我有樽 manuka o係度...

check 下尋日有冇中六合彩....頭獎三注中都冇我份.....
不過見到黎緊竟然有萬聖節金多寶....真係唔知點解萬聖節都要有金多寶呢...

可能朝早食得唔夠飽...未到 lunch time 已經有d 肚餓....
就因為咁... K 同 B 提議去群眾食小炒....可以食得飽 d....

今晚繼續去做運動...之後去左美心食飯....而家真係百物騰貴...最平果碟飯都要三十一蚊..

飯後甜品係 gelato .... 多謝 Bonny 張現金券....
我真係覺得你用雪糕現金券代替餅咭...係一個好正確o既選擇...俾個 like 你...

18 Oct 2011

原本想去買早餐...不過諗諗下....都係繼續自己整早餐....

其實網上o既流言都幾大威力....一個人講冇人信...再多幾個人講...就會變成事實...

十月過左一大半....但我o既工作似乎仲未見到曙光..deadline迫近...lunch time都繼續努力...

已經幾日冇做運動...唔可以再比借口自己偷懶...放工去九龍公園跑步...再去食唯珍...
坐隔離個嬸嬸真係好好人....見到我滿頭大汗...驚我會凍親...主動比張紙巾我...多謝晒...

後日就係喇...之前要做下準備功夫...不過可惜聽左隻碟一次...對 d 歌好似完全冇印象...

17 Oct 2011

帶左一大箱野食返公司....做好準備....隨時留o係公司奮勇作戰....

尋日煮定野食...今日帶飯...剩番o既咸牛肉...最啱用黎做早餐....又可以慳番 d...

之前坐爛左.....等左咁耐....終於有新野用....真係舒服好多....

是日午餐....雜錦飯.....有瑤柱, 冬菇, 粟子, 咸牛肉....
聞落真係好香....食落.....都唔差o既.....

三扒兩撥食左個飯盒....出左去 join 埋 B 一齊....過去政府新總部行下...
地方比想像中冇咁大....不過有d 草地....有d 樹蔭....感覺都幾舒服....

夜晚冇去做gym ...... 返到旺角即刻去食野....仲趕得切食 tea當晚餐 .... 又慳一筆....