21 Mar 2011

買麵包冇膠袋係為左環保，不過次次都俾個我個袋夾扁

之前公司訂造左o既文件架因為撞車而受阻，今日終於送到黎

今日 K 唔同我地食飯，我同 B 又照慣例去左拱照車仔麵

之後當然又去 shopping 啦

唔知係唔係因為轉天氣，突然間頭赤赤，今晚逃學冇返日文

20 Mar 2011

朝早同阿媽食完早餐，去左超市買餸

跟住返左屋企無所事事，等到夜晚先出去尖沙咀食 buffet

好多謝金星小姐同埋啜啜橙為我同費迪安排o既生日飯

嘩.......原來仲有個驚喜，雖然已經食到好飽，但個蛋糕都食得好開心

除左蛋糕仲有禮物添.......金星送o既禮物裡面有粒金星架

驚喜一浪接一浪......仲有啜啜橙o既禮物

19 Mar 2011

又到左要返工o既星期六，早餐當然要食飽 d ，下晝好晏先有飯食嘛

下晝放工之後，自己一個由灣仔行到去銅鑼灣都諗唔到食乜好
行到渣甸街見到榮記，醒起好似聽過有人話好食......

食飽之後，又要去做外賣仔

尋日因為人地多order 到唔得閑應酬我，所以今晚幫費迪補祝生日
第一次去 Oliva，估唔到幾抵.....沙律 + 鵝肝 + 龍蝦天使麵 + 羊膝....都只係三百幾

食得太飽.... 由深水埗行番旺角，中途見到成架的士剷左上去紅綠燈
睇落唔係好嚴重....應該冇人受傷卦

18 Mar 2011

雖然唔係乜野美食，不過廿九蚊個餐就絕對物有所值

空間o係我office間房入面係最缺乏o既一樣野
正因為咁....我張咁整齊o既枱成日都俾人佔用....

襯今晚有時間....快 d 去剪頭髮.....個頭終於唔使好似個波咁

繼五月o既新加坡之旅之後，四月突發o既曼谷之旅都已經 confirm 左

17 Mar 2011

話咁快就已經成座大廈遮住晒，咁o既日子仲要過幾個月

雖然今朝阿哥全體訓話左好耐冇乜心情，不過今日係 B o既大日子....都要慶祝下

可能lunch 時冇乜胃口食野.....冇食晒 d 飯，下晝好似越來越肚餓

好多謝今晚 Bonny幫我同費迪慶祝生日，我地真係好耐冇見，所以今晚好開心

原來 Bonny o係地震前一刻啱啱由東京返香港，真係好彩....如果唔係就嚇餐飽