12 Jun 2012

今日都係帶homemade 麵包返公司...不過今次係失敗左o既作品...
因為阿媽整時....裡面d 配件整得唔實....支搞搞棒甩左...所以d 麵包好鬆散...

lunch 繼續都係苦瓜排骨.....不過好似越食越苦咁..

o係台北買左個吸水杯墊.....放o係公司枱面....要時時刻刻警惕自己.....

下晝個飯盒得好少飯.....個肚好快就咕咕聲....好在同B 出去買定d 野食一齊食...

放工就返左屋企.....諗都唔使諗.....就去買水餃食...

11 Jun 2012

成個星期冇返工...今日好辛苦先起到身返工....好彩唔使自己準備早餐....

今日第一個任務....係將我o係台灣千辛萬苦先搵到o既公主李....交到 K 手上....

然後仲要清理一下個雪櫃....冇用一排...裡面已經結出水晶....面頭仲有一隻好假o既小強添...

d 人成日話細個時唔會鍾意食苦瓜...但唔知點解大大下會想食...
我尋日突然間好想煮涼瓜排骨......唔通我真係開始老....所以想食涼瓜?

今日放工冇去做運動....去左food court 食韓國野....

冇做運動...係因為今晚約左班朋友去睇戲.....其實呢套戲唔係我杯茶....不過都冇乜所謂啦...

10 Jun 2012

今日o既早餐...係一個新突破....因為唔落街食...
尋日食剩o既炒麵....尋日整o既homemade麵包...仲有我親手整o既餐肉炒蛋...

有新野玩....大家都會熱心d ....尋日整o既麵包已經食晒.....今日又再整...我聽日o既早餐有著落..

我都要繼續努力....繼續消滅脂肪大行動....
做完運動又唔太肚餓...醒起Auntie Mo推介o既生煎皇...少少地 4 隻..啱啱好...

近排變左馬可斯夫人....係咁買鞋....雖然已經有橙色跑鞋...不過我真係唔係好捨得著黎跑步...
平平地買多左對....不過買一對四百蚊鬆d o既跑鞋...老闆竟然送我一個標價百一蚊o既arm bag...

臨近返工o既日子....更加唔想出街....成個下晝都o係屋企...繼續睇雜誌...轉眼又到夜晚...

9 Jun 2012

轉眼間....已經放左一個星期假...過兩日又要返工....

去旅行累積埋o既疲累....今日一次過發晒出黎....呢頭食完早餐....果頭返屋企又訓著左....
訓醒之後冇乜野好做......一次過睇番晒上星期冇睇o既雜誌......

唔經唔覺....已經三點幾.....有少少肚餓...落街買少少野食先....

都係唔可以再懶落去.....今日要開始復工........做運動.........

阿媽又繼續玩佢o既玩具........繼續整麵包....

夜晚繼續唔出街....阿媽煮左炒麵 + 粥......都好....唔使食咁多野....

姑姐聽日生日.....專登o係台灣紙箱皇.....買左呢個七彩聖堂燈俾佢.......

8 Jun 2012

今朝起身....好似唔係好肚餓....所以叫少少野...同阿媽share...

執好晒旅行o既野....攞左d 手信出黎俾屋企人....

而我自己呢.....曬左咁多日.....緊係要買番d 野俾自己補濕啦...

今個上晝...好似所有野都唔順利咁....明明執好晒衫諗住去做運動...點知要下晝先有得做...
Sony call 左我攞部手提去換mon....但去到竟然話我聽冇parts 喎...乜唔係預留左俾我先call我架咩...

行左成大個圈...乜都冇做過....結果都係返屋企....一口氣寫晒之前幾日o既blog...寫寫下...
原來已經三點幾...都要食d 野...o係台灣食左幾日台式牛肉麵..今日要食番個魚式牛肉麵...

原來阿媽買左個平平地o既麵包機....玩得好開心....不過d product 又真係唔太差喎...

今晚約左人o係灣仔食飯....順便早少少過去....攞埋d 台灣買o既小禮物俾同事們...

朋友o係Groupon買左coupon去食私房菜...間野好似叫"尹師讌".....
野食份量比較少...亦都唔算好特出...不過大家咁耐冇見....當係搵個地方舒舒服服傾計啦...