上半晝...將會o係旗津半島渡過.....經由西子灣..再坐幾分鐘渡輪...話咁快就到...
碼頭一出去...就已經見到天后宮...
我對裡面o既神佛冇乜興趣...不過就俾呢排好靚o既紅燈籠吸引住....
時間只係十一點幾...雖然未係好肚餓...不過為左避開peak hour....所以先去海產街食lunch..
呢條海產街...好多舖頭都放左一盤盤o既海鮮o係門口....每盤一百蚊台幣任揀...
當然要o既靚 d o既海鮮都係要再俾多 d 錢啦.....
食完野...就要登山...消耗一下.....行左一條大斜路...終於都到左燈塔...
燈塔本身冇乜特別...不過望出去 d 景色...都算幾靚...
再過埋隔離o既砲台....比燈塔更加冇野睇...哈哈....
落番山...諗住去風車公園...搵左間小食舖坐低...順便問問路...
不過原來風車公園距離好遠...而且公車班次似乎都好疏....
結果我地決定取消唔去....改為海鮮餐 part 2....
雖然唔係乜野靚野...但百幾蚊港紙一餐...都真係算抵食...
食飽之後...旗津半日遊就完結...
返到西子灣...諗住順道參觀埋打狗英國領事館...點知....
冇法...都係繼續行程...過去夢時代....
一出捷運...見到好鬼多人...唔知發生乜事....原來撞正有event...
有大氣球巡遊....主角係呢隻Open .... 真係唔知係乜...不過當地好似好hit 下喎...
幾經辛苦...終於穿過人群...去到夢時代.....
第一時間上去最高果層...望下個摩天輪先....不過為左慳番d 錢...只睇...冇坐...
除左個摩天輪之外...成個商場其實都冇乜特別....都係搵下地方休息下好過...
休息左一陣...充番電....再去六合夜市....食食食....
去過台南o既花園夜市...就覺得六合夜市令人失望...估唔到係咁細...
冇乜食到 d 乜野難忘o既野...只係對呢個臭豆腐有d 印象....
見唔係好對路...即刻轉場...聽講三多商圈附近有條花卉街....諗住過去行下...
不過最後都搵唔到..反而去左原定第二日先會去o既順億鮪魚食宵夜...
唔爭在過埋對面馬路...o係黑橋牌買番少少手信....
