7 Apr 2013

轉眼間....日本之旅又完結....今朝要早出門口...所以之前一晚買定野o係酒店食..

邊食早餐...邊睇新聞....日本呢兩日o既天氣好惡劣.....

仲話有部份國內航班取消左.....好擔心去到機場冇得走....

今朝o既活動...全部都o係機場附近...所以索性一早checkout....

攞埋行李去機場寄存左先....

之後坐番幾個站....去左機場附近o既一個漁市場....叫田尻....
海邊本身都係大風....加上今日o既天氣...就更加大風....

黎呢度o既目的....最主要係因為佢每個星期日都有一個日曜日市場....有好多好野賣...

雖然我已經十一點去到...., 但都已經算係遲....好多野都賣晒...好在仲搵到...d 帶子好新鮮...
原本賣1200 Yen ....老闆話平D 比我....仲將盒魚半賣半送...而家兩樣加埋先係1200 Yen 咋...

下一站...去左機場隔離個站o既outlet.....呢度好大....行極都行唔完...

行到攰.....入左去starbucks 飲番杯香橙latte.....

今次去日本....好想買番隻錶.....終於o係最後一日揀啱喇...

又係時候出發返機場....攞番d 行李check in......
等上機o既時間....當然要食埋今個旅程最後一餐o既日本菜啦...

再見喇....關西...

回程所有野都好順利.....九點幾就返到香港喇....

今次主要係買自己野多.....10kg 去....差唔多20kg 返.....不過只係買左好少野俾屋企人食..