6 Apr 2013

黎左咁多日都幾好天....不過臨走先黎落雨....

朝早唔太多舖頭開....所以今日又係食牛肉飯做早餐.....
但係呢個三重芝士牛肉飯...比起香港吉野家....好食好多倍...

睇天氣報告話下晝先落雨....但今朝好似越落越大....
搞到我去到大阪城公園都冇乜心機睇....好快就走人...

因為提早左回暖o既關係....櫻花早左開....亦都早左謝....開始生d 綠葉出黎喇...

去完大阪城....過左去天王寺....不過繼續落緊雨....所以唯有o係室內行街...

行到攰....搵個地方坐低飲杯野....

係時候要食lunch....過左黑門市場.....見到d 刺身同壽司咁新鮮....忍唔住叫多d

食飽之後.....過左中崎町.....呢條商店街......感覺就好似香港d 舊式屋邨商場...

連住中崎町o既係天神橋商店街.....呢條商店街真係好長好長好長...
行極都行唔完.....但又唔見有廁所喎....最後因為急尿o既關係...落左地鐵站...冇行晒...

大阪有好多連鎖o既食店都好想去試下...可惜唔太夠時間....
但呢間自由軒真係好想試...所以返到難波去一去食....叫一個set 兩個人share...

返酒店放低d 野.....又再出街....過去心齋橋....去shopping...

聽朝一早會去機場....應該唔會再出去食野.....所以要把握時間....再去食碗拉麵...

坐o係呢間神座拉麵食緊野時...突然變得好大雨.....連舖頭都不停入水...
個店員要企o係度撐住把遮黎擋雨.....場面好搞笑....

今晚要早d 返酒店....因為要pack 行李....早兩日o係tokyu hands買o既行李帶即係用得著...
咁快就過左十日.....真係有d 唔捨得.....希望快d 又可以再黎...