不過見到人親身著住...今日都係第一次...睇落好似好舒服咁....
星期六都要返工....都應份要對自己好d .....去麥記買番個包送粟米片啦....
下晝放工.....去左深水埗做gym....其實平時好少黎呢個場....
呢度o既更衣室真係幾好...為左阻止d 閒雜人入去...要攞鎖匙先可以入...乾淨好多好多...
專登過深水埗...當然唔係為左做gym 啦....最主要...咪又係為左食
.....一個人去街都有好處....平時排好鬼耐o既維記豬潤麵....一個人就唔使等好耐喇...
夜晚又過番海....去左銅鑼灣.....o係時代廣場出面....見到條好靚o既彩虹..
不過之後o係 facebook 見到...原來好多朋友o係唔同o既地方都影左彩虹o既相..
山長水遠去銅鑼灣....其實係因為約左朋友去食飯....去左鵝頸橋後面個街市....
叫左好多好味o既野.....有蟹飯, 芝士鮮尤等等....可惜好想食o既焗魚腸賣晒....
d腳趾鞋出左好耐啦..我就覺得麻麻了...唔夠厚踩到勁痛
回覆刪除維記我淨係去過食早餐咋..d麵好食不過超驚d泡囉...
今日我行出露台, 一大條彩虹掛係前方半空,超靚呀...即時影低,仲好似係雙彩虹添呀..一路睇住果天慢慢暗左而消失
d蟹好正呀
[版主回覆05/20/2012 08:10:49]我又真係冇見過人著喎
煮親豬潤同牛肉, 都有呢d 泡, 都冇法
我都係無意中見到條彩虹, 好鬼靚
ok啦, 下面d 飯好食 d
腳趾鞋真係出左好耐架喇。兩三年都有。
回覆刪除[噢!地利 Oh!tria回覆05/21/2012 02:00:12]印象好似唔知邊年返HK去Delay No Mall見. 但係呢間Mall唔知執咗未.
[版主回覆05/20/2012 08:11:23]香港都冇乜人著, 我都唔見邊度有得賣
難得星期六返工仲要係無伴心情咁靚? 唔通好嘅開始就係成功咗一半, 以後日日朝早都買個十元八塊嘅麥記包, 唔好成日挨挨聲, 睇完你個卜都受感染 H5N 『 where H = HAPPlNESS, N is any number tends to be infinite . H times 5N』
回覆刪除[搞一爺回覆05/20/2012 12:48:04]老虎仔都話: 魚叔叔好有『食力』, 果然名不虛傳。
[版主回覆05/20/2012 08:12:13]十元八塊o既包, 係食唔飽架, 仲要自己再加野, 咁即係唔止十元八塊啦
腳趾襪就著得多....鞋都有興趣試
回覆刪除大排檔嘢正正呀
[版主回覆05/20/2012 11:58:20]我今日又o係屋企樓下見到人著, 不過係個自由行o既阿叔
正......不過肥....
咁平時果D會有咩閒雜人？
回覆刪除[Gael回覆05/21/2012 16:39:54]洗衫咁誇張 係咪諗住洗埋衫返屋企唔駛0徙水呢
[版主回覆05/21/2012 16:31:08]好多唔係book場o既人, 會走上去沖涼架
以前最誇張時, 我見過洗衫添呀
好變態呀,影人地隻腳..哈哈
回覆刪除想估到你唔會特登去其他地方做GYM嫁啦
HEHE
[版主回覆05/23/2012 10:38:06]影人隻腳, 已經唔算變態喇喎
其實我地成日都去唔同地方做架
豬潤麵正呀, 番茄豬潤麵仲正呀!!!
回覆刪除[版主回覆05/25/2012 11:45:39]呢間野好似冇蕃茄湯底
不過就咁薑絲都好好呀