今日又係好勤力....去做運動....跟住去買餸整飯盒.....
見到我鍾意o既營多印尼撈麵原來出左杯麵裝...係冇益係唔抵...不過我都要支持一下o既...
整好晒d 飯盒....冇野做....自己一條友去左尖沙咀行街....
要一個人o係food court 俾錢買野食..再去搵位...好艱辛...o係五一黃金周就更艱辛...
唔經唔覺...都行左幾個鐘....睇中左一對 Adidas 膠鞋....不過好多間舖頭都斷晒碼...
心心不憤....由尖沙咀搵到旺角.....結果都俾我搵得到.....yeah....$299買到心頭好...
因為煮左好幾盒飯盒.....所以今晚食左其中一盒做晚餐.....
唔知點解...由細到大都要蓋毛巾被訓覺....屋企裡面都只係得我有咁o既怪癖...
用開果d 已經好殘舊....但毛巾被而家唔係咁易搵....好辛苦先o係樓下搵到...就算粉紅色都迫住要買...
黑碟上是什麼?
回覆刪除戀物癖? 去旅行點算
[版主回覆05/01/2012 20:45:18]燒八爪魚丸黎
邊關事, 係習慣左啫, 如果去旅行就冇法啦, 唔通自己帶埋去咩
營多杯麵!? 第一次見 用熱水6 三分鐘,D麵夠軟嫁啦?
回覆刪除如果沒毛巾被,夜晚會訓唔著?
[版主回覆05/01/2012 23:01:29]我都係第一次見咋喎, 所以咪買lor, 同普通杯麵差唔多啫, 應該食得架啦
又未至於訓唔著, 只係有好d 咁啫
上星期同老公行時代廣場嘅 adidas,都買咗兩對膠鞋 ( 另一個款) 仲有九折 !
回覆刪除[版主回覆05/02/2012 08:35:51]你講果對, 而家adidas 專門店同馬拉松都仲有
我果對就已經斷晒碼lu
你食多d呢類杯麵,就咩病都冇架啦
回覆刪除對鞋唔錯好抵喎
嘩...毛巾被我最怕,鼻哥超痕架..
[毛豆回覆05/02/2012 09:23:04]我講緊係snoopy中既LINUSVAN PELT,成日拎住條毛巾先有安全感...係你自己先諗d衰野.
[版主回覆05/02/2012 08:37:08]係呀, 以毒攻毒嘛
因為抵, 所以周圍都斷碼lor
我又冇覺得痕喎, 你唔好講到咁變態
一個人去food court 我會避開D peak hours.
回覆刪除[版主回覆05/02/2012 08:37:52]但係五一黃金周, 一日廿四小時都係peak hours 呢
我諗你都好耐冇經歷過咁恐怖
印尼撈麵(Indomie), 而且出左杯麵裝, 真係要試下喎!
回覆刪除[版主回覆05/02/2012 10:34:04]其實係包裝o既抵好多, 不過貪得意買個杯裝黎試下
杯裝撈麵方便喎! Food court D食物唔錯 對鞋啱晒香港天氣! 毛巾被好懷舊~_~;
回覆刪除[版主回覆05/02/2012 13:38:51]係就係方便d, 不過買兩杯o既價錢, 可以買一pack五包lu
咁city super個food court一向都唔錯o既, 只係價錢唔平啫
係呀, 我都係諗住對鞋夏天著最啱
我諗而家冇乜人用毛巾被架喇
要一個人o係food court 俾錢買野食..再去搵位...好艱辛====>死喇，我係咪已經習以為常呢，已經完全唔覺辛苦了
回覆刪除