跟住就要做野.......買餸煮飯....
邊整野...邊睇住個電視....差d 唔記得原來今日係特首選舉....其實我一直都冇留意...
我覺得只係一場鬧劇...邊個輸贏都好...而家完結左都係好事...起碼唔會再有失禮香港o既新聞出黎.
快手快腳整好d 飯盒....去做一陣運動........原來已經兩點幾....食番少少野先...至愛腸粉 + 五青汁
下晝去睇桃姐....因為難得阿媽突然話想去睇......所以用左d 換票證黎買飛...
我覺得套戲都幾好睇...冇特別感人o既場面...好寫實...不過就係呢d 淡淡o既感覺...更加令人想喊..
套戲都有兩個鐘長....睇完時係五點幾.....襯時間尚早....可以過去大角咀大排檔食晚飯...
如果遲左去....唔單止冇位....叫餸仲有排等....今日就時間啱啱好喇...
腸粉怪一連兩日食腸粉
回覆刪除[版主回覆03/25/2012 20:17:35]你唔抵得咩, 日日食都唔厭呀
同阿媽去睇戲﹐好乖﹐抵kiss
回覆刪除大排檔份量比阿媽煮o既少就剛剛好﹐買個d細碟俾阿媽﹐就可以控制一下﹐唔會浪費食物喇﹗
[版主回覆03/25/2012 21:29:30]我自己都好想去睇
其實呢檔大排檔o既份量一d 都唔少架
我睇左鐵娘子..超精彩..
回覆刪除呢套我反而冇咩想睇....都知道個劇情..
[版主回覆03/25/2012 23:02:45]我不嬲都對佢好好架喎
[毛豆回覆03/25/2012 22:23:40]就係因為發生係生活周邊嘅小事，先令你易產生共鳴，亦都容易感同身受。咁你有冇對你媽咪更加心存感激呢
[版主回覆03/25/2012 22:14:49]但我覺得呢套戲o既重點, 唔係o係劇情
因為個故事其實係好普通o既野, o係身邊成日都會發生
不過正因為咁, 呢d 咁真實o既野, 反而更加感動人
港産片好少做兩個鍾,sat 個晚睇完都差唔多 12 : 00 am 啦 !
回覆刪除[版主回覆03/26/2012 08:43:30]雖然係兩個鐘, 但又唔覺係好長, 轉眼間就過左
大排檔⋯正
回覆刪除[版主回覆03/26/2012 11:15:01]又平又好食, 四大碟野都只係百六蚊
我都睇左《桃姐》，呢套戲令人感到人間有情，非常唔錯！ 記得唐英年過年時都曾拜訪舊工人，大打親情牌！
回覆刪除[版主回覆03/26/2012 14:34:01]桃姐果d 好真, 唐生果d 好假
四大碟野都只係百六蚊===>又幾抵喎
回覆刪除[版主回覆03/26/2012 18:33:11]係呀, 又平又多, 下次叫埋你去啦
如果.......你肯現身o既話