10 Mar 2012

今日要一早起身....因為行程緊湊....不過都要食左d 野儲定能量先....
酒店出面條大街.....d 小食檔口多到....好似個小型夜市咁....正...

跟住出發去碼頭...

第一站....係卧佛寺.....由碼頭行過去只係幾步路....好方便....

個佛真係好鬼大....冇法可以影晒成個.....

睇完大佛....出去出面...又見到好多小食檔.....即刻買黎食啦....呢個雪糕d 味道幾特別...

下一站係大皇宮...之前睇旅遊書話出面會有騙子...我都不停同自己講....要小心d.....
不過去到又冇左件事...被騙去左另一個地方...好在臨崖立馬返番轉頭...只係浪費左廿蚊雞港紙車錢..

大皇宮o既建築物真係好靚.....不過天氣都好熱添......都係頂唔順...要過對面嘆下冷氣先...

休息左一陣....出去搵車過去高山路....點知d 司機又開天殺價.....又想sell我地去跟團...
不過今次我地學精左喇..........唔會再上檔.......仲同佢講價添....

高山路好似都唔係好特別...我諗只係啱果d 外國backpacker 多d......
反而行過d 有條 Soi Rambuttri 仲好...好多街頭cafe.....好好feel.....

終於飲到冬蔭公同埋椰汁雞湯........好味道....

食飽再行多陣.....就行番去河邊.....去碼頭.....

向下一站出發...........Chinatown....

行左入條無窮無盡o既Wanit Lane....好似去左深水埗批發市場咁........
經過報紙檔.....見到呢本雜誌....令我想起近排香港做緊套電視劇.....

既然去到Chinatown.....順便去林真香買少少野啦....

跟住再o係附近行多陣....行行下唔知自己去左邊.....我知可以坐的士....不過我堅持自己搵下路先...
應該好接近MRT站架喇但係唔知邊個方向lor....好在遇到對好心o既女中學生....一句"Follow me"...

最初冇諗住坐MRT....不過因為迷路而坐左.....轉車站咁啱就係新商場....Terminal 21...
除左個商場係以機場做設計藍本之外.....其實個商場同其他冇乜分別....

之前行左好多路....係時候休息一陣........o係food court 食番個芒果糯米飯先.....
唔係高水準.....不過同香港果d 比......已經係超好味....

攞住咁多野....都係返一返酒店先......順道去買埋Counterpain.....

坐左一陣....又出發去Thong Lo.....因為果度個BTS站下面....有一條食街........

檔口唔係好多...加埋大概十幾檔....聽講可以坐o係一個地方...舒舒服服叫晒咁多檔o既野...
不過我地都唔識叫.....唯有分開一檔檔咁食啦.....首先係呢個豬手飯 + 叉燒麵....

跟住到呢檔海鮮餐.........我最愛o既螄蚶......仲有超多海鮮o既海鮮冬蔭公.......
再加埋燒尤魚........兩舊水港紙都唔使.........

最後係甜品時間..........又係芒果糯米飯.....不過比之前同之後食o既...都好味好多....
有人話好想食榴槤.........所以叫左呢個椰奶榴槤.......一樣係咁正....

諗緊去唔去其他夜市好.........但應該都係同尋晚咁上下架啦.........
不如去做番個 foot massage好過啦.........跟住好舒服咁返酒店..