今日Yahoo Blog 又唔知乜事...有d 圖唔見左...但人地又話睇到...得我自己睇唔到...古古怪怪..
咦...有人o係我個位度收埋左d 野.....係我早兩日話周圍都搵唔到o既粟米腸...多謝晒...
下晝諗都唔使諗....就去左新釗記....d 野食平均黎講都幾好食....
次次都仲有好多野想試.....唔知試多幾多次先食得晒呢.....
食飽之後...去左超市入貨....個雪櫃唔使咁空洞喇...
放工過左海港城...去睇下o係波鞋街買唔到o既運動衫....點知o係Giga sports換來一肚氣..
佢地自己搞錯左...將第二個人o既資料入左我個電話number...仲話我盜用人地張會員咭添
原本諗住去做運動....都搞到冇心情....都係去食飯好過...
我祝魚仔生日健康﹐多D肌肉﹐少D肥肉。
回覆刪除[版主回覆02/28/2012 08:45:47]唔係, 佢只係提早左啫, 我仲有兩星期先生日
[搞一爺回覆02/28/2012 07:58:16]個Alien俾T 果張生日蛋糕剪影卡上寫 Happy BDay 喎! 原來異形搞錯左。
[版主回覆02/27/2012 23:08:36]我未有耐生日, 不過都多謝先
粟米腸係卓悅有得賣 ! Gigaspot 都痴痴哋,如果你使用他人會員咭.邊有可能講中個 Number !?? 仲有你可以打電話去佢哋 office 投訴,反影事情始末.為你帶來不必要嘅氣 !!
回覆刪除[版主回覆02/28/2012 08:46:51]下....居然卓悅有得賣....
我今日會打去佢office投訴架喇
話你盜用人地張會員咭> 冇證冇據,咁都講得出.服務業邊可以咁架. 投訴佢.
回覆刪除[版主回覆02/28/2012 08:48:47]佢又冇直接用"盜用"呢個字, 不過一開始就"我地公司規定, 要親身黎架喎, 唔可以用人地張咭架喎", 根本就一口咬定我係黎攞著數, 但我最嬲係, 件衫本身有九折, 會員都係九折, 咁何來著數呢
yahoo幾時都係好左呢樣壞果樣架啦..咁都影響到你既..練下EQ啦要
回覆刪除張生日蛋糕卡好正喎..你有冇點著蠟燭呀
香港地好多都係未搞清總之賴左你唔0岩先...俾我鏟到佢上天棚 , 仲要即時道歉...你唔出聲佢真係食住上當你羊咕囉...不知所謂
[版主回覆02/28/2012 10:22:40]咁又唔係好影響到我咋喎
都未生日, 邊使咁快點
我冇帶張會員咭o係身, 如果唔係, 我實鬧佢
物價日日高漲⋯魚仔不知米貴
回覆刪除乜佢哋唔査清楚就話你盜用呀？
[版主回覆02/28/2012 14:40:36]唔係唔知, 只係好耐冇去幫襯啫
最大問題就係咁lor, 其實俾唔俾discount都係其次, 冇理由佢地自己公司錯, 仲要推落我度
美心麵包的價錢頗貴，不過質素唔錯。
回覆刪除[版主回覆02/28/2012 16:56:36]但份量太少, 食左都唔飽
畀著我就即刻唔買喇
回覆刪除[版主回覆02/29/2012 14:24:05]費事走黎走去嘛, 都試好晒