雖然朝早醒左一陣...但轉頭又訓番...一睜開眼...原來訓足十二個鐘...
我已經晏起身...但屋企d 人仲晏....唔等佢地....自己食蘿蔔糕...
近排d 電視同報紙...成日都講....三件蘿蔔糕已經等如一大碗飯....有成500個卡路里...
又過左好耐....終於等到阿媽起身....
其實過年係我其中一個比較唔鍾意o既節日.....因為我地唔會去拜年...又冇人會黎拜年...
實在係太悶....所以我都係頂唔順...自己一個人出去行下.....唔經唔覺...去左深水埗鴨療街...
我都係第一次過年時去鴨療街.....真係估唔到....同平時完全係兩回事....
平時d 檔口都冇開...反而有好多二手電器,CD....玉器擺設...仲竟然明目張膽周街賣咸書咸碟...
回程o既時候...發覺黃金出面堆滿晒人....原來有我最鍾意o既炭燒串燒....
以前每年新年都一定會食...不過近年已經o係旺角消失左....估唔到呢度仲有....
不經不覺都行左成兩個鐘....又係時候返屋企.....今晚阿媽又係食盆菜....
係就係有d 悶...不過過年都係要一家大細坐埋一齊啫.....希望大家都團團圓圓...新年快樂...
●鴨療街乜原來年初一都咁旺架咩，好似仲勁過花市喎
回覆刪除●仲竟然明目張膽周街賣咸書咸碟===>車有乜咁奇唧，咪就係因為好多你喱隻麻甩仔去行囉XXXD
●咁你話兩串炭燒串燒卡路里勁定係三件蘿蔔糕勁D呢下^^
●咁大個盤菜食得晒架拿？！又唔叫埋阿師傅黎食0既
[版主回覆01/24/2012 10:41:47]我都係第一次見到鴨療街係咁,
果D鹹書鹹碟冇格仔遮住, 大人細路經過都睇到架
串燒唔會好肥啫, D 脂肪燒哂出黎嘛 XD
搞一爺, 大哥邊得閑黎拜年
[搞一爺回覆01/24/2012 09:51:38]乜基爾都講咸野﹐喺自己個blog又扮斯文o吾講架﹗XD
肥魚都想基爾哥去拜年幫口食晒個盤菜﹐不過記得帶厚厚禮o窩﹐佢都想一拖兩﹐打孖上﹐高興o的呀﹗哈哈﹗
[噢!地利 Oh!tria回覆01/23/2012 22:01:46]我都唔知年初一鴨療街有o野睇. 咸書度度都有架啦,邊度出奇呢. 咸碟?幾多仔先??
有閒又有時..唔出去行下山...懶得你.
回覆刪除[版主回覆01/25/2012 12:01:32]咁凍, 想凍死我咩
煎蘿蔔糕先咁高卡, 蒸的再低d, 唔食d臘肉又再低d
回覆刪除[版主回覆01/26/2012 09:51:47]其實我不嬲都鍾意食蒸, 唔鍾意食煎, 不過日日咁食法, 點都會肥 ~ ~