睇完雜誌竟然又有d 眼訓....於是又再番訓....不過只係訓左一陣...就俾阿媽拉左去食早餐...
既然都冇得訓...食飽之後...我提議帶阿媽去荔枝角新開o既吉之島行下...
係就係幾大間...不過除左個超市...其實都冇乜野啱行...而且交通都幾唔方便...
之前同d 同事講開新年會食慈菇...不過有人居然唔知慈菇係乜野樣...
o係吉之島超市咁啱見到......即刻影低佢....
下晝又係做運動減磅o既時候...雖然有d 攰...不過都堅持去做下....因為今晚又去姑姐屋企食食食...
佢一早訂左盆菜...同韓國朋友一齊分享...可惜佢地要趕住今晚離開香港...如果唔係...可以玩得夜d...
返到屋企都只係七點幾....走去買d 湯丸....今晚同屋企人一齊食....
慈茹原來係咁嫁= = 哈哈 重以為同冬茹果D差唔多
回覆刪除魚C9 (好耐無咁叫)
你做完運動 但又食盆菜
咁咪姐係白做=0=?
[版主回覆01/22/2012 22:38:37]好難形容架喎, 食落去個感覺好粉咁
[黑眼熊回覆01/22/2012 22:34:23]我未食過啊 我屋企人唔會用慈茹煮野食既
咩味嫁?
[版主回覆01/22/2012 22:24:50]叫你阿媽煮俾你食啦, 完全兩回事...
好過冇啦, 就係知道要食野, 所以消耗定先嘛
恭祝魚魚龍年龍馬精神，神彩飛揚，精神爽利，利利是是\(*_*)/
回覆刪除[版主回覆01/23/2012 07:54:41]多謝呀, 我都祝你萬事如意, 身體健康
我覺得慈菇系好難食﹐阿媽買o黎拜神用架﹗慈菇定 即系生o左個仔﹐個形狀都好似BB仔時個何B仔架。XD
回覆刪除被迫起床=>寫到好sad o下。
[版主回覆01/23/2012 07:55:46]我都麻麻地鍾意食, 我屋企好少煮...
緊係sad啦, 最熟睡果時俾人叫醒喎
今日係龍年大年初一，祝龍馬精神、龍騰虎躍、鯉躍龍門、行運一條龍!
回覆刪除[版主回覆01/23/2012 11:44:20]多謝呀, 大家咁話啦, 阿威哥
我都未見過慈菇. Jusco Lai Chi Kok Store即係邊頭???
回覆刪除[毛豆回覆01/25/2012 11:52:14]係荔枝角"璧海藍天"呀...香港地既樓盤名幾咁詩情畫意呀...XDD
[版主回覆01/24/2012 19:43:46]麻麻地好食, 未見過都冇損失..
o係出面起果堆新樓度, 我都唔係好知, 所以你應該更加唔知 ^ ^
吉之島我都超唔鐘意行 ,D野咁多年都係一樣 ,悶到暈..
回覆刪除慈菇我之前炸片呀..好好食呢....你有冇食過呀..係么鳳都有得賣..不過唔平....好離譜....自己用幾個就炸大大堆啦...
[版主回覆01/25/2012 12:00:15]我只鍾意行超市, 其他野冇乜興趣..
我就真係麻麻地鍾意食慈菇, 唔鍾意D 味道
慈菇食落似薯仔, 但唔知點解完全唔鐘意食....
回覆刪除[版主回覆01/26/2012 09:52:42]總係覺得有陣泥味, 唔知係咪煮o既方法有問題呢, 我都未試過o係出面食過, 唔知有冇分別