B 上次調左第二個 week，所以今日得番我自己一個人，感覺慘上加慘
通常星期六返工都冇乜野做......今日就做到冇停手.....不過時間依然係過得好慢
下晝放工之後....繼續一個人......去左聯發街一間小小o既拉麵舖食野
間舖頭其實真係幾細.....室內o既座位只可以容納六七個人....冷氣都唔太夠添
不過個叉燒醬油拉麵都幾好味......但就咁一碗麵都要 58蚊
食飽之後....過左合和樓下間百佳 shopping....
最主要因為睇中佢意大利食品節o既 panna cotta
今日真係好攰.....返左屋企之後.....訓左幾個鐘
訓醒時.....竟然見到我屋企絕少出現o既西餐.....意粉 + 沙律.....
食沙律做晚餐，好健康喎！
回覆刪除[版主回覆06/18/2011 22:36:00]我好鍾意食沙律 不過近排要戒口, 唔可以食咁多生冷野 所以只係食左少少
多菜少肉好健康﹐不過﹐沙律醬好肥架。
回覆刪除[版主回覆06/19/2011 09:04:00]其實只係落左好少沙律醬, 同埋怕太生冷, 只係食左好少
一人堂仲好啦..成間公司反轉佢玩囉....
回覆刪除俾我將58蚊拉麵錢買哂panna cotta食 ....我先幾日整左古力panna cotta,用煲上...3千幾ml....你都咪過唔勁
[版主回覆06/19/2011 14:36:00]我已經買左三盒架喇, 邊食得咁多
哦~~~~乜百佳都有搞意大利食品節咁high架咩？！ 果間拉麵店好似早排睇電視有介紹過，唔知老人家有冇記錯？ 一人 で====>唔搵阿邊個上黎陪你
回覆刪除合和樓下果間是"Taste",雖然都是百佳集團
回覆刪除[版主回覆06/21/2011 08:34:00]我知佢係taste, 不過咪又係百佳
食西餐用報紙鋪枱都仲係好HK feel.
回覆刪除[版主回覆06/21/2011 08:34:00]環保嘛