旅程最後一日....將舊果對鞋掉左...著住新果對出發...
checkout 左之後...先去台北車站下面.....搵個coin locker...放低 d 雜物先...
再過去姑姐住果間酒店....將我幫佢買o既鳳梨酥交比佢....
為左爭取時間....我決定今日自己一個人獨自行動....先o係新光三越行下...嘆下冷氣先..
可能呢兩日食得太多....我都唔記得自己連早餐都未食....行到忠孝敦化...先覺得有少少餓..
都差唔多十二點....見到檔台式野....好想食....去唔到夜市...算係補番數啦...
時間唔係剩番好多....因為最後要o係台北車站坐巴士去機場....諗黎諗去...都只係得西門町可以行..
之前一晚o係ABC Mart 有收穫...估唔到今日....又o係西門町呢間分店買到野...
見到呢對斷碼vans.....竟然有啱我o既size....仲要係賣港紙百五蚊...足足減左三分二價..點可以唔買..
黎左幾日....都仲未食到紅燒牛肉麵....唔可以比自己有呢個遺憾...去左桃園街食番一碗..
其實都仲有d 時間....不過我真係太攰....都係早d 去機場...休息下好過....
比正常時間早左大半個鐘去到機場...都冇野好做...唯有等等等....
不過就因為咁....識左個荷蘭長大英國居住o既香港人....傾下講下...時間易過好多..
原本下晝唔係想食麵線....而係想食肉燥飯.....但老闆娘話未煮好....冇得食...
點知今晚o既飛機餐...又咁啱係肉燥飯喎....雖然唔係好好食...都好過冇啦...
百五蚊Vans太抵了.
回覆刪除好多時呢D斷碼鞋都好抵
刪除不過睇你撞唔撞啱你個size
下次準備啲要掉嘅舊嘅衫褲鞋襪去,咪可以拎得輕鬆啲又可以買好多野!仲可以好似新年時著得全身都係新野精精神神咁番黎!
回覆刪除你自個樣真係好善良,咁易識倒人。
我又好少咁喎
刪除果個人好主動去識朋友
刪除又好鍾意同人傾偈
我就相反, 好少咁主動
夜市野唔食都吧啦, 肉燥都係...超核突.
回覆刪除最開心係冇預計下發現平野又0岩自己既.
你乜鬼都唔啱架, 因為你係有錢人嘛, 點同呢 :)
刪除我通常只買果d 平野, 其他野同香港差唔多, 費事攞一大餐啦
你心理真係極度唔平衡.
刪除周圍都識到人嘅?!!!
回覆刪除我冇主動去識人喎
刪除呢d咪係濫交囉. kakakka
刪除你話你自己? :D
刪除TT個樣咁友善都好容易引到人同佢傾偈嘅~~~~XXD
刪除口不對心呀
刪除又平又啱身嘅野,可遇不可求!
回覆刪除係囉
刪除我次次都好彩
剩番個size都啱我
Common size is out of stock. In fact, you are abnormal. LOL
刪除