尋晚飲左 d 酒....今日訓到好晏先醒....突然好想食燒鵝髀....
過去西環波記....諗起Ray哥又住o係果邊....所以叫埋佢一齊食...
其實山長水遠過去...唔係只係為左燒鵝髀...而係要去中環Clarins買野...
佢呢兩日做asia miles promo...我見有個女人買左成兩萬蚊野...送o既里數可以換到日本機票..
下晝約左Tim哥同 Ivan打波...原本仲有Stan...但因為佢有事黎唔到....
臨時叫左 Eddie同埋阿海出黎.....打左一個鐘波.....
天涼開始轉涼....最啱就係去烚下烚下....今晚晚餐又係嚴重超標...聽日又要去做運動..
Clarins乜只係中環先有咩?
回覆刪除唔係, 但呢個promo唔係間間有
刪除Cardio有效消脂，打波斷斷續續沒乜用架。
回覆刪除又唔係喎, 我覺得打波仲攰過跑步同游水
刪除係啲專家研究運動嘅報告，你可以唔信我，反正浪費都係你嘅時間。
刪除咁我去打波, 最主要又唔係為左減肥, 所以都冇乜所謂
刪除都話魚仔去游水打波係另有目的架啦.
刪除係為左消磨時間囉
刪除你專程去掃貨⋯有冇換到張機票呀?
回覆刪除人地買兩萬蚊就一張機票啫
刪除我買得果一千幾百
邊有機票