15 Sep 2013

今日比返工更早起身.....

因為今日約左一班朋友去南丫島行山.....

經過半個鐘o既船程....到左索罟灣啦....

一去到...就要開始行上山.....好在都唔算好辛苦...

繞住菱角山行左個圈之後.....終於到左模達灣.....可以休息一下....

休息左一陣...我地又行番去起點....索罟灣....今日天氣好熱...忍唔住買番條雪條..

Part 1完成左之後....就到食晏o既時候.....大家都覺得好熱...所以只係簡單一餐..

食飽再休息多一陣....就開始part 2....由索罟灣行去榕樹灣....呢段路比較好行...

明明話今日會有雨...只係部份時間有陽光....但依然係咁熱.....

到左洪聖爺灣之後....可能天氣真係太熱...我地又坐低食碗冰凍豆腐花...

再行多半個鐘多d....到左榕樹灣碼頭lu....南丫島一日遊要結束....

出到去中環....有d 肚餓.....所以去左食tea....唔經唔覺...傾下講下...坐左個幾鐘...

唔知點解...今日成日都好想食山竹牛肉....咁啱今晚又唔想食飯...所以買牛肉返屋企做晚餐..