六點未夠就醒左.....爭取時間.....再去浸下溫泉先.....
跟住舒舒服服.....食番個早餐buffet......
食飽飽就要出發喇......
首先係去酒店附近o既陣屋朝市.....其實只係十數檔攤檔賣下當地o既農產品....冇乜野好買....
然後就去朝市側邊o既高山陣屋...好似話陣屋即係以前d 差館咁上下o既野...不過冇乜野啱睇....
跟住又開始漫長o既車程......坐左個幾兩個鐘.....去到又係冇乜特別o既惠那峽....廿分鐘之後就離開..
再o係附近食lunch.....呢餐叫做係shabu shabu....不過間餐廳冷氣唔夠....大家都冇心情食...
又再坐一個鐘車.....去到一個叫妻籠宿o既地方.....一條好古典o既街....兩旁係賣手信o既舒頭...
日本近排o既天氣真係好熱.....連我阿媽平時唔食雪糕....呢幾日都破例....
其實妻籠宿呢個地方冇乜野睇....不過可怕o既事o係呢度發生左.....我新買o既電話.....跌左落地...
爆埋個mon.....真係諗起都心痛......上網check過.....要攞去換....就冇左隻金牛....
懷住傷痛o既心情....再去下一個景點......wasabi農場....
又係一個厄遊客o既地方.....唯一可取o既....只有呢個wasabi 雪糕.....
下晝五點幾....就已經出發去今晚o既酒店.....唔經唔覺....已經由歧阜縣去到長野縣....
上酒店房放低d 野....就落去食晚餐....今晚係食懷石料理....不過d 野食好多都凍冰冰..比起尋晚o既晚餐差好遠..
酒店出面又係乜都冇.....最後又係o係附近便利店行個圈....就返去....
既然都冇野做....即係又係去浸溫泉o既時候啦....
老公個朋友部s3新買兩星期跌落地，個芒爆到蜘蛛網咁，samsung收佢千五換mon
回覆刪除[版主回覆08/18/2013 22:04:14]算啦
返到香港先算
仲要對住個裂Mon幾日添
今日嘅行程悶得可憐,早餐同泰國冇乜分別.浸温泉已變成唯一
回覆刪除亦替你難過,新機咁快就落地 ........ 小心為上 !
[版主回覆08/19/2013 06:08:05]去之前都預左係咁悶
都唔明點解揀呢D團
呢個似係浸温泉團多d
回覆刪除[版主回覆08/19/2013 06:09:55]如果冬天就話好啫
o甘鍾意溫泉﹐ 如果屋企有浴缸o米成日浸﹗日日白烚魚仔。
回覆刪除希望你番黎中mark six安慰獎補求你o既傷痛啦﹗
[版主回覆08/19/2013 06:12:48]唔係鍾意，只係冇其他野好做
係喎，等我快D買六合彩先
日本D酒店嘅自助早餐好正好多款噃⋯你嘅咁少
回覆刪除大熱天⋯軟雪糕必食!
懷石料理應該有熱葷噃
祝你好運⋯好似王子咁中奬幫補下
[版主回覆08/19/2013 22:38:37]一間間酒店咋
呢幾日食左好多
但佢已經放到凍晒呢
我邊有王子咁好運
呢個應該係個sign, 幫你擋左災, 一張金牛小事啦對你, 成日攞咁多著數係要還既.
回覆刪除[版主回覆08/19/2013 22:39:04]我係窮人黎, 一千蚊係好大好大架
換左新機之後記得記得唔好用喱個套，要自己另外買個軟膠套好一點
回覆刪除[版主回覆08/20/2013 23:03:45]我都有呢個打算