不過最後都敵唔過吸引o既被窩....等埋阿媽起身..一齊去食早餐..
好耐冇去教協行.....上去行個圈....可惜空手而回..
冇去游水...都唔可以偷懶...改去跑步....呢對鞋都好耐冇出場..我都有成個幾月冇跑過..
我諗跑步同游水打波...用o既肌肉應該幾大分別..雖然我都有keep住做運動..但一跑返都周身痛..
d 汗係咁流....見到軟雪糕都忍唔住買番杯....真係透心涼...
不過真係食米唔知米貴....原來而家一杯軟雪糕要賣9蚊咁貴...仲要係一口份量添..
尋日食左黑漢堡.....覺得麻麻....不過聽朋友講...白果個好食d...
即管試試...係就係好過黑o既.....但係都係麻麻地囉...
年紀大....跑一陣就攰到攤左o係床成個下晝....好在今晚晚飯有我鍾意o既薯仔雞翼補充番下..
乜今日咁早呀
回覆刪除隔咁耐冇著既鞋唔啱啦，又要去買過對啦
游水要求柔軟度，所以通常玩跑步既人都游得唔靚
我好幾年冇食過lu
[版主回覆05/19/2013 21:12:33]我都好耐冇食過
[毛豆回覆05/19/2013 21:03:56]軟雪糕囉
[版主回覆05/19/2013 20:39:35]日日都係咁上下架啦
又冇唔啱喎, 不知幾fit
咁我兩樣都做下, 唔軟又唔硬
你話冇食乜
黑白漢堡有乜餡架? 佢website都唔詳細介紹.
回覆刪除[版主回覆05/19/2013 22:01:28]一個係牛, 另一個好似係雞
不過其實兩個都麻麻, 試一次都夠
陪阿媽食早餐好乖仔。
回覆刪除跑步周身痛 !
麥記軟雪糕好似系5 蚊﹐食貴左喇﹗
魚仔悉o吾悉煮薯仔雞翼呀?
[版主回覆05/19/2013 22:03:23]成日都陪架啦
打波係彈跳多, 唔使跑黎跑去架
果度附近冇麥記嘛, 腳骨力加埋汗水都唔止4蚊
我冇煮過喎, 不過應該唔難煮啫
樣樣運動做齊包保魚仔fit到漏
回覆刪除[版主回覆05/20/2013 18:23:09]如果係就好
不過都好難
喱味我都like
回覆刪除[版主回覆05/21/2013 21:37:05]你話對臭鞋呀??