29 Mar 2013

雖然去到日本咁遠....不過都冇偷懶...照樣一早Book羽毛球場....
仲因為時差o既關係....可以比香港遲一個鐘...即係八點先Book...

之前o係香港訂定o既3G咭....已經送到去酒店喇.....黎緊十日靠晒你....

ｏ係酒店附近ｏ既食堂食早餐....不過老闆娘一句英文都唔識....係咁同我講日文....
好在我d 日文都未完全還番晒俾miss.....起碼都仲識叫魚食.....

食飽飽就出發去和歌山城....

人生第一次去賞櫻....心情好興奮....

日本o既八爪魚丸....裡面粒八爪魚....真係做得香港o既四倍....

離開左和歌山城之後....我地就向紀三井寺出發....

期間見到我o既最愛....

返到和歌山市之後....去左一間叫做龍王亭o既拉麵舖食野...老闆好好奇點解我會識去...
我話只係上網睇到....由於佢識講國語o既關係....我地傾左好耐計.....

係時候去貴志探下Tama 車長....好可愛呀...

回程o既時候....仲坐到Tama電車添......

因為買左1-day pass....唔好浪費....去多個地方......

返和歌山市時....仲咁啱可以坐埋呢架士多啤梨電車添...

去到酒店附近...諗住行下間百貨公司....睇下有冇超市......
點知俾佢d 減價魚生飯吸引住....結果買左返酒店食....咁多野都係百五蚊港紙咋...

今日準備o既節目都已經完成...不過都只係七點幾.....漫無目的周圍行下...但成個市都好靜...

行行下去番和歌山城....醒起有夜櫻睇.....但其實都唔係好特別...只係一堆堆日本人o既聚會...

見冇乜野做...都係行番酒店....途中見到呢間賣唔同雜貨o既連鎖店....入去行下先...

臨返到酒店之前....見到網頁介紹o既另一間拉麵店....襯離開和歌山之前...
把握機會食碗中華拉麵...今日都幾攰....食飽之後...都係早d返酒店休息.....