17 Feb 2013

今朝早諗住去西貢食早餐....不過因為遲左幾分鐘...冇晒早餐...要挨一個唔好食又貴嘅茶餐....

今日又去行山.....不過今次係約左曾Sir, Wallace, Eric同埋一大班朋友.....
上次行左麥理浩徑二段......今次就行第三段...諗住由北潭凹行去水浪窩....

一開始....就已經係長長嘅樓梯....真係有D 嚇怕左....

今日天氣麻麻.....一直都好大霧....睇唔清遠處嘅景色.....

行到一半....先休息一下.....食番碗豆腐花.....

今次呢段.....上落唔太多....有好多都係平路....行得比較舒服.....

去到尾段....遇到分岔路.....原本應該繼續去水浪窩....
不過因為我地有人受左傷...所以選擇一條簡單D嘅路...行番去北潭涌...

雖然成個路程都唔係好長...不過我地結果都用左五個鐘先完成.....坐巴士返西貢市中心...

返到西貢市中心都已經六點.....又係時候去食晚飯......